ب. ساعىنتايەۆ: قازاقستان ە ا ە و ىقپالداستىعىن تەك ەكونوميكالىق وداق رەتىندە كورەدى
بۇل تۋرالى بۇگىن استانا ەكونوميكالىق فورۋمىنىڭ پانەلدىك سەسسياسىندا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
«ءبىز ايماقتىق ىقپالداستىققا اشىقپىز، سوندىقتان ءبىز ەۋرازيالىق ەكونوميكالىق وداقتى تەك ەكونوميكالىق پرينتسيپكە نەگىزدەلگەن سەرىكتەستىك رەتىندە كورەمىز. ماعان: «ە ا ە و ساياسي وداق پا، ەكونوميكالىق وداق پا؟» دەپ كوپ سۇراق قويادى. تاعى قايتالايمىن، قازاقستان ە ا ە و- تاعى ىقپالداستىعىن تەك ەكونوميكالىق وداق رەتىندە كورەدى»، - دەدى ول استاناداعى فورۋمدا.
ونىڭ اتاپ كورسەتكەنىندەي، قازاقستاننىڭ ءوز كورشىلەرىمەن تىعىز قارىم-قاتىناس ورناتۋى ونىڭ وداققا مۇشە ەمەس وزگە دە مەملەكەتتەرمەن بايلانىس جاساۋىنا ەش كەدەرگى كەلتىرمەيدى.
«سونىمەن قاتار ءبىز ەۋرازيالىق قۇرلىقتاعى ىقپالداستىقتىڭ دامۋىنا مۇددەلىمىز. «جىبەك جولى» تاريحي تۇرعىدا شىعىس پەن باتىستىڭ ەكونوميكالىق نەگىزى بولعان»، - دەپ اتاپ ءوتتى ب. ساعىنتايەۆ.
اۆتور: جاسۇلان جولدىبايەۆ
