قىتايدا تولاسسىز جاڭبىردان مىڭداعان ۇيلەر قيراپ، ميلليوننان استام تۇرعىن زارداپ شەكتى
15 ادام قازا تاپتى، جەتى ادام ءىز-ءتۇزسىز جوعالعاندار ساناتىندا، دەپ حابارلادى ورتالىق قىتاي تەليەۆيدەنيەسىنە سىلتەمە جاساپ ت ا س س.
جاۋىننان جانار-جاعارماي قۇيۋ ستانساسى قۇلاپ، حۋنان پروۆينتسياسى جيانحۋا- ياو اۆتونومدى ۋەزىندە ەكى ادام قازا تاپتى. بيلىك 2 مىڭعا جۋىق جەرگىلىكتى تۇرعىندى قاۋىپسىز جەرگە شىعاردى. جياڭشي پروۆينتسياسىندا سەگىز ادام اجال قۇشتى، 65 مىڭ ادام قاۋىپسىز جەرگە شىعارىلدى. 1655 ءۇي قيرادى. پروۆينتسيانىڭ تىكەلەي ەكونوميكالىق شىعىنى 450 ميلليون يۋاندى ($73 ميلليون) قۇرادى. گانجۋ قالاسىندا 220 مىڭعا جۋىق ءۇي ەلەكتر ەنەرگياسىنسىز قالدى.
گۋانشي- چجۋان اۆتونومدى ولكەسىندە بەس ادام كوز جۇمدى، التى تۇرعىن ءىز-ءتۇزسىز جوعالدى. گۋاندۇڭ پروۆينتسياسىنىڭ اكىمشىلىك ورتالىعى - گۋانجۋداعى بايۋن حالىقارالىق اۋەجايى نايزاعاي سالدارىنان 360 تان استام اۋە رەيسىن وزگەرتۋگە ءماجبۇر بولدى. شنجىندە 230 رەيس ۇشىرىلمادى.
سينوپتيكتەردىڭ بولجاۋىنشا، اۋا رايىنىڭ قولايسىزدىعى جۇماعا دەيىن ساقتالادى.
