تاجىكستاندا ۇ ق ش ۇ ەلدەرىنىڭ قاۋىپسىزدىك كەڭەستەرى حاتشىلار كوميتەتىنىڭ وتىرىسى ءوتتى
بۇل شارادا قازاقستاندىق دەلەگاتسيانى پرەزيدەنت كومەكشىسى - قاۋىپسىزدىك كەڭەسىنىڭ حاتشىسى نۇرلان ەرمەكبايەۆ باسقاردى.
حالىقارالىق قاۋىپسىزدىكتىڭ ەڭ ماڭىزدى پروبلەمالارى جانە ۇ ق ش ۇ- نا مۇشە مەملەكەتتەردىڭ قىر كورسەتۋلەر مەن قاۋىپتەردىڭ الدىن الۋلارى بويىنشا شارالارى تۋرالى باياندامانى ۇيىمنىڭ باس حاتشىسى نيكولاي بورديۋجا جاسادى.
ق ك ح ك جۇمىسىنىڭ بارىسىندا تاراپتار اۋعانستانداعى جاعدايدىڭ ۇ ق ش ۇ- نىڭ جاۋاپكەرشىلىك ايماعىنا اسەرى، لاڭكەستىك ۇيىمداردىڭ ارەكەتتەرىنە قارسىلىق ەتۋ شارالارى، سونداي-اق ۇ ق ش ۇ- نىڭ بازالىق وقۋ مەكەمەلەرى، ۇيىمدارى مەن پوليگوندارىنىڭ جۇمىسىنا قاتىستى ماسەلەلەردى ورتاعا سالدى.
جەدەل ءىس-قيمىل ۇجىمدىق كۇشتەردىڭ باعىتتارى بويىنشا مىندەتتەرىن ورىنداۋلارى بويىنشا شۇعىل تەكسەرىستىڭ قورىتىندىلارى شىعارىلدى.
بۇعان دەيىن حابارلانعانداي، ۇ ق ش ۇ ج ق ۇ ك- ءنىڭ قۇرامىنا كىرگەن قازاقستاندىق اسكەري كونتينگەنت اۋە قورعانىسى كۇشتەرىنىڭ اسكەري-كولىكتىك اۆياتسياسىمەن تاجىكستاننىڭ «حاربمايدون» پوليگونىنا جەتكىزىلدى. وتكىزىلگەن تەكسەرۋدىڭ بارىسىندا ءبىزدىڭ اسكەري قىزمەتكەرلەرىمىز جوعارى تارتىپتىلىگى مەن جاۋىنگەرلىك داعدىلارىن تانىتا ءبىلدى.
وتىرىستىڭ جۇمىسىنا قازىرگى كەزدە ۇ ق ش ۇ ۇيلەستىرۋ كەڭەسىنىڭ ءتوراعاسى بولىپ تابىلاتىن قازاقستاننىڭ ىشكى ىستەر ءمينيسترىنىڭ ورىنباسارى ۆلاديمير بوجكو، سونداي-اق قازاقستاننىڭ تاجىكستانداعى ەلشىسى اعىباي سماعۇلوۆ قاتىستى.
ق ك ح ك وتىرىسىنىڭ اياسىندا ن. ەرمەكبايەۆتىڭ تاجىكستان، قىرعىزستان، رەسەي، بەلارۋس جانە ارمەنيادان كەلگەن ارىپتەستەرىمەن ەكىجاقتى كەڭەستەرى وتكىزىلدى.
