ماماندار جانىڭ كۇيزەلگەندە قۋات بەرەتىن تاعامدار ءتىزىمىن ۇسىندى

استانا. قازاقپارات - دارىگەرلەردىڭ ايتۋىنشا، كوپتەگەن ادام كۇيزەلىسكە ۇشىراعان كەزىندە ءجيى تاماقتانادى.

ءبىراق، مامانداردىڭ ايتۋىنشا، مۇنداي جاعدايدا، بەلگىلى ءبىر ازىق-تۇلىكتەردى جەۋ پايدالى. مىسالى، س دارۋمەنى مەن انتيوكسيدانتتارعا باي قاراجيدەك ناعىز كەرەك تاماق. كۇيزەلىس كەزىندە ادامنىڭ دەنەسىنە ءدال وسى زاتتار جەتىسپەي تۇرادى، دەپ جازادى The Times of India.

كۇيزەلىسكە قارسى تاعى ءبىر ازىق - ءسۇت. ونى ەنەرگيانىڭ قوسىمشا كوزى رەتىندە پايدالانۋعا بولادى. سونداي-اق، زەرتتەۋلەر كورسەتكەندەي، ءسۇت جۇيكەنى تىنىشتاندىرادى.

بادام - В2 جانە Е دارۋمەندەرىنىڭ باعالى كوزى. وسى ەكى دارۋمەن كۇيزەلىس كەزىندە وتە ۇلكەن بەلسەندىلىك تانىتا الاتىن يممۋن جۇيەسىن نىعايتادى. سوندىقتان، بادام جاڭعاقتارى وتە پايدالى.

اپەلسيندى تۇراقتى تۇردە جەۋ كەرەك. اپەلسين شىرىنىن دا ىشۋگە (ءبىر ستاقان جەتكىلىكتى) بولادى. ول - كۇيزەلىس دەڭگەيىن كۇرت تومەندەتەتىن С دارۋمەنىنىڭ ناعىز قورى.