عالىمدار ءجيى ساپارعا شىعىپ تۇرۋدىڭ پايداسىن ايتتى

استانا. قازاقپارات - گارۆارد ۋنيۆەرسيتەتىنىڭ (ا ق ش) عالىمدارى بريتانيانىڭ «Cancer Research» زەرتتەۋ ورتالىعىمەن 7 جىل بويى بىرلەسىپ جاساعان زەرتتەۋ قورىتىندىلارىن جاريا ەتتى.

وندا ادامنىڭ باقىتتى بولۋى ءۇشىن ايىنا 1-2 رەت ساپارعا شىعۋ جەتكىلىكتى دەگەن تۇجىرىم جاسالعان.

ماماندار، ءتىپتى دە الىسقا ساپارلاۋدىڭ قاجەتى جوق دەيدى، دەمالىس كۇندەرى وتباسىمەن نەمەسە دوستارمەن كورشى قالاعا ساپار جاساسا دا جەتكىلىكتى ەكەن، دەپ جازادى «VistaNews» پورتالىندا.

ناقتىراق ايتقاندا، 2003-2010-جىلدار ارالىعىنداعى جۇرگىزىلگەن زەرتتەۋدىڭ نەگىزگى ءتۇيىنى مەن قورىتىندىسىندا ادام ساپارعا شىعىپ تۇرسا، ءتۇرلى پسيحولوگيالىق «اۋىتقۋلارسىز» ءومىرىن ءبىرقالىپتى ارناعا سالا الادى.