قازاقستاندىق تەننيسشى نيۋرنبەرگ تۋرنيرىنىڭ شيرەك فينالىنا شىقتى

استانا. قازاقپارات - قازاقستاندىق تەننيسشى يۋليا پۋتينتسيەۆا نيۋرنبەرگ قالاسىندا ءوتىپ جاتقان حالىقارالىق تۋرنيردىڭ شيرەك فينالىنا شىقتى.

Vesti.kz سايتىنان الىنعان مالىمەتكە قاراعاندا، دۇنيەجۇزىلىك رەيتينگتە 105- ورىندا تۇرعان يۋ. پۋتينتسيەۆا ەكىنشى اينالىمدا گوللانديالىق، الەمنىڭ 90- راكەتكاسى كيكي بەرتەنسپەن كەزدەستى. ءۇش ساعاتقا سوزىلعان تارتىستى ماتچتا قازاقستاندىق تەننيسشى 6:4, 5:7, 7:5 ەسەبىمەن جەڭىسكە جەتتى. يۋ. پۋتينتسيەۆا توعىز برەيكتى ءوز ەسەبىنە جازسا، ك. بەرتەنس سەگىز رەت وسىنداي ناتيجەگە قول جەتكىزدى. بۇعان دەيىنگى ءۇش كەزدەسۋدە گوللانديالىق تەننيسشى جەڭگەن ەكەن.

ەسكە سالا كەتەيىك، ك. بەرتەنس ءبىرىنشى اينالىمدا تاعى ءبىر قازاقستاندىق ياروسلاۆا شۆەدوۆانىڭ مەسەلىن قايىرعان بولاتىن.

جارتىلاي فينال جولداماسى ءۇشىن يۋ. پۋتينتسيەۆا جۇلدە قورى 250 مىڭ ا ق ش دوللارىن قۇرايتىن وسى تۋرنيردىڭ التىنشى راكەتكاسى، يتالياندىق كارين كناپپەن شەبەرلىك بايقاسادى.

اۆتور: ەلجان ەرالى