ە ا ە و- نىڭ قۇرىلۋى الەمدىك ەكونوميكالىق داعدارىس قاۋپىنە لايىقتى جاۋاپ بولادى - ق. توقايەۆ
رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ وتىرىسىندا ءسوز سويلەگەن سەنات ءتوراعاسى ەكى ەلدىڭ ۇكىمەتتەرى مەن پارلامەنتتەرىنىڭ كۇش-جىگەرى اياسىندا ەكىجاقتى قاتىناستاردىڭ اۋقىمدى كەلىسىمدىك-قۇقىقتىق نەگىزى جاسالعانىن، 170 تەن استام شارتتارعا قول قويىلعانىن اتاپ ءوتتى.
«قازاقستان - رەسەيدىڭ سەنىمدى ستراتەگيالىق ارىپتەسى. كورىپ وتىرعانىمىزداي، مەملەكەت باسشىلارى جۇيەلى تۇردە كەلىسسوزدەر جۇرگىزەدى، تەك وتكەن جىلى ءبىزدىڭ پرەزيدەنتتەرىمىز 10 مارتە كەزدەستى. بۇل ءوزارا سەنىم مەن قۇرمەتتى نىعايتۋعا ىقپال ەتەتىنى كۇمانسىز، ونسىز اۋقىمدى ىنتىماقتاستىق مۇمكىن ەمەس»، - دەپ اتاپ ءوتتى ق. توقايەۆ.
ەكونوميكا سالاسىنداعى ىنتىماقتاستىق تۋرالى ايتقاندا، سەنات ءتوراعاسى ەۋرازيالىق ەكونوميكالىق وداق اياسىنداعى ءوزارا ءىس-قيمىلدى دامىتۋدى باسىم باعىتتار رەتىندە اتاپ ءوتتى. «بۇل ىقپالداستىق بىرلەستىكتەر ءبىزدىڭ مەملەكەتتەرىمىزدى ولاردىڭ وداقتاستىق مارتەبەسىنە تەڭ ىنتىماقتاستىقتىڭ قاعيدالىق تۇرعىسىنداعى جاڭا ساتىسىنا شىعارادى. ە ا ە و- نىڭ كەلەشەگى زور، وعان الەمنىڭ 40 تان استام ەلدەرىنىڭ ەركىن ساۋدا ايماعىن قۇرۋعا ىقىلاس تانىتۋى دالەل بولىپ وتىر. قازاقستان پرەزيدەنتىنىڭ پىكىرىنشە، ە ا ە و- نىڭ قۇرىلۋى - قازىرگى زامانداعى جاھاندىق قاتەرلەرگە، ونىڭ ىشىندە الەمدىك ەكونوميكالىق داعدارىس قاۋپىنە لايىقتى جاۋاپ بولادى»، - دەدى قازاقستان پارلامەنتى جوعارعى پالاتاسىنىڭ باسشىسى.
سەنات ءتوراعاسى «نۇرلى جول» باعدارلاماسىن ىسكە اسىرۋ بارىسى تۋرالى ايتا كەلىپ، ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ ەكىنشى بەسجىلدىعىمەن قوسىلۋى ونىڭ ماڭىزدى ەرەكشەلىگى ەكەنىن اتاپ ءوتتى، سونداي-اق كاسىبي مەملەكەتتىك اپپاراتتى قالىپتاستىرۋدى؛ يندۋستريالاندىرۋ جانە ەكونوميكانى ءارتاراپتاندىرۋدى؛ حالىقتىڭ ءبىرىڭعاي بولاشاعىن قالىپتاستىرۋدى؛ مولدىرلىك جانە حالىققا ەسەپ بەرەتىن مەمەلەكەت بولۋدى كوزدەيتىن بەس ينستيتۋتتىق رەفورماعا رەسەيلىك ارىپتەستەردىڭ نازارىن اۋداردى. «ينستيتۋتتىق رەفورمالار باعدارلاماسىن ىسكە اسىرۋ ءۇشىن پرەزيدەنت «مەملەكەت قۇرىلىسىنداعى بۇدان بىلايعى 100 ناقتى قادام» ءىس-قيمىل جوسپارىن ۇسىندى، بۇل شىن مانىندە ۇلت جوسپارى. مەملەكەتتى جاڭعىرتۋ جونىندەگى ارنايى ۇلتتىق كوميسسيا قۇرىلدى، وعان قازاقستان پارلامەنتىنىڭ وكىلدەرى دە ەنگەن. وسى باعدارلامالىق قۇجاتتاردىڭ ءبارىن ىسكە اسىرۋ قازاقستان مەملەكەتتىلىگىن نىعايتۋ ءۇشىن جاعداي جاسايدى، ءبىزدىڭ ەلىمىزگە الەمنىڭ دامىعان ەلدەرىمەن ءبىر قاتارعا تۇرۋىنا مۇمكىندىك بەرەدى. بۇل - ءبىزدىڭ ستراتەگيالىق ماقساتىمىز»، - دەپ اتاپ ءوتتى ق. توقايەۆ.
فەدەراتسيا كەڭەسىنىڭ ءتوراعاسى ۆ. ماتۆيەنكو مازمۇندى سوزىنە وراي ق. توقايەۆقا العىس ايتىپ، سەنات ءتوراعاسىنا «سوۆەت فەدەراتسي. 20 لەت» مەرەيتويلىق مەدالىن تابىس ەتتى.
اۆتور: سەرىك قاراجان
