قازاقستاندىق عالىمدار تۇزدى توپىراقتا وسىمدىك وسىرۋگە مۇمكىندىك بەرەتىن نانوقۇم ويلاپ تاپتى
بۇل تۋرالى primeminister.kz حابارلادى.
قازاقستاندىق عالىمدار جەكە ازىرلەنگەن نانو-سورعى شىعارۋعا جاقىن، ول وسى سەكتورداعى كوشباسشى كومپانيالاردىڭ بالامالى ازىرلەمەلەرىنەن تەحنولوگياسى بويىنشا اسىپ ءتۇسۋى مۇمكىن، دەپ حابارلادى بۇگىن ا ق ش ارگونن ۇلتتىق زەرتحانالارى پروفەسسورى، نازاربايەۆ ۋنيۆەرسيتەتى پروفەسسورى زينەتۋللا ينسەپوۆ.
«ماعان وسىندا نازاربايەۆ ۋنيۆەرسيتەتىندە نانو-سورعى دەپ اتالاتىن قۇرال جاساۋدى ۇسىندى. بۇل سورعى ديامەترى بىرنەشە نانومەتردەن باستاپ ميكرونعا دەيىنگى ارنالار ءۇشىن جۇمىس جاسايدى، ول ارقىلى سۇيىقتىق تا، گاز دا ءوز بەتىنشە وتە المايدى»، - دەدى ز. ينسەپوۆ.
ول قۇرال بىرەگەي، وتە بەرىك جانە يىلگىش، بولاتتان 200 ەسە بەرىك گرافەن نەگىزىندە نانوماتەريالدان جاسالاتىنىن ايتتى. قازىرگى تاڭدا قازاقستاندىق يننوۆاتورلار گرافەننىڭ ۇلكەن پاراقتارىن جاساۋعا پايدالاناتىن تەحنولوگيالار، پروفەسسوردىڭ ايتۋىنشا، وسى سەكتوردا كوش باستاپ تۇرعان وڭتۇستىك كورەيا كومپانيالارىنىڭ ازىرلەمەلەرىنەن اسىپ تۇسەدى.
سونداي-اق، عالىم نازاربايەۆ ۋنيۆەرسيتەتى زەرتحاناسىندا نانو-قۇم جاساۋ بويىنشا جۇمىس جۇرگىزىلىپ جاتقانىن مالىمدەدى.
«جاقىندا ءبىز جاڭا ماتەريال - نانوقۇم جاساپ شىعاردىق. ول تۇزدى توپىراقتا وسىمدىكتەر وسىرۋگە جانە ولاردى تۇزدى سۋمەن سۋارۋعا مۇمكىندىك بەرەدى. ەگەر مۇنداي تەحنولوگيانى قولدانساق، بۇل اۋىل شارۋاشىلىعىندا ريەۆوليۋتسيا بولماق. مىسالعا، قازاقستاندا ارال ماڭىندا تۇقىم سەبۋگە بولاتىن كەڭ اۋماق بار، وندا نانوقۇمدى پايدالانۋمەن اۋىل شارۋاشىلىعى داقىلدارىن وسىرۋگە بولادى»، - دەپ تولىقتىردى ز. ينسەپوۆ.
ول نازاربايەۆ ۋنيۆەرسيتەتىندە عالىمدار نانو قابىقشا جاساۋمەن اينالىسىپ جاتقانىن، ول جوعارى كەرنەۋلى ەلەكتر جەلىلەرىنىڭ تەسىلۋىنىڭ الدىن الۋعا مۇمكىندىك بەرەتىنىن مالىمدەدى.
