تۇركى الەمىنىڭ عالىمدارى الماتىدا باس قوستى
القالى جيىنعا ت م د ەلدەرى مەن تۇركيا، ا ق ش، قىتاي، كورەيا، نيدەرلاندى، سەربيا سىندى الەمنىڭ 20 عا جۋىق مەملەكەتى مەن قازاقستاننىڭ بارلىق ايماعىنان 500 دەن استام دەلەگات قاتىسىپ جاتىر.
تۇركى حالىقتارىنىڭ اتا قونىسى، التىن بەسىگى قازاقستاندا جينالعاندار تۇركىتانۋ ءىلىمىنىڭ دامۋ باعىتتارى مەن كەلەشەگى، ءبىلىم ينتەگراتسياسى، تۇركى فيلولوگياسىنىڭ وزەكتى ماسەلەلەرى، حالىقارالىق دەڭگەيدە ءبىلىم بەرۋ باعىتتارى، تۇركى الەمىندەگى ءالىپبي جانە گەندەر ماسەلەلەرى، باسقا دا وزەكتى ماسەلەلەردى تالقىلاپ جاتىر.
ەستەرىڭىزگە سالا كەتەيىك، «ءبىرىنشى حالىقارالىق تۇركى الەمى زەرتتەۋلەرى» سيمپوزيۋمى وتكەن جىلى تۇركيانىڭ نيدە قالاسىندا وتكەن بولاتىن. دۇنيەجۇزىنىڭ 20 عا جۋىق ەلىنەن 400 دەن استام دەلەگات قاتىسقان حالىقارالىق شارا تۇركيانىڭ نيدە ۋنيۆەرسيتەتى، قازاقستاننىڭ قىزدار ۋنيۆەرسيتەتى جانە رەسەيدىڭ م. اقمۋللا اتىنداعى باشقۇرت مەملەكەتتىك ۋنيۆەرسيتەتى اراسىنداعى كەلىسىمشارت نەگىزىندە ۇيىمداستىرىلىپ وتىر.
«2011-جىلدان بەرى قازاق قىزدار پەداگوگيكالىق ۋنيۆەرسيتەتىمەن ىنتىماقتاستىقتا جۇمىس جاساپ كەلەمىز. 3 جىل ىشىندە كوپ جۇمىس اتقارىلدى. بىلتىر تۇركى الەمى زەرتتەۋلەرى سيمپوزيۋمىن ءبىرىنشى رەت نيدە قالاسىندا وتكىزگەن بولاتىنبىز. ەندى سول يگى ءداستۇر قازاق قىزدار پەداگوگيكالىق ۋنيۆەرسيتەتىندە جالعاسىن تاپتى. كەلەر جىلى باشقۇرتستاننىڭ م. اقمۋللا اتىنداعى مەملەكەتتىك ۋنيۆەرسيتەتىندە وتكىزەمىز. ويتكەنى، ءبىز ءتۇبى ءبىر تۇركى حالقىمىز. بۇل سيمپوزيۋم تۇركى دۇنيەسىنىڭ ورتاق ماسەلەلەرى لاتىن الىپپەسىنە كوشۋ، گەندەرلىك ساياسات ماسەلەلەرىن قاراستىرماق»، - دەدى نيدە ۋنيۆەرسيتەتىنىڭ رەكتورى ادنان گوريۋر.
سونداي-اق قازاق حاندىعىنىڭ تاريحى مەن تاعىلىمىنىڭ «ماڭگىلىك ەل» يدەياسىمەن ساباقتاستىعى دا وسى جيىن بارىسىندا قاراستىرىلاتىن بولادى.
قىزدار ۋنيۆەرسيتەتىندە ۇيىمداستىرىلىپ وتىرعان ІІ حالىقارالىق سيمپوزيۋمعا ق ر پارلامەنتى مەن ۇكىمەت مۇشەلەرى، الماتى قالاسىنىڭ اكىمدىگى، قازاقستان حالقى اسسامبلەياسىنىڭ وكىلدەرى، كوپتەگەن قوعام قايراتكەرلەرى مەن بەدەلدى تۇلعالار قاتىسادى دەپ كۇتىلۋدە. سونىمەن قاتار شەتەلدىك جانە وتاندىق جوعارعى وقۋ ورىندارىنىڭ رەكتورلارى، ءتۇرلى سالاداعى تانىمال پروفەسسور-عالىمدار بار.
ءۇش كۇنگە سوزىلاتىن سيمپوزيۋمدا ءتۇرلى سەكتسيالار جۇمىس ىستەپ، بۇگىنگى تاڭدا تۇركى الەمىن تولعاندىرىپ وتىرعان ەڭ وزەكتى ماسەلەلەر تالقىلاناتىن بولادى. شارا اياسىندا «ءتۇبى ءبىر تۇركىمىز» اتتى فەستيۆال، قازاق ۇلتىنىڭ مادەنيەتى مەن رۋحانياتىن ناسيحاتتايتىن ءىرى كورمەلەر جوسپارلانعان.
اۆتور: گۇلميرا عوسمانالي
