ق ر مەملەكەتتىك حاتشىسى گ. ءابدىقالىقوۆا ءبىرقاتار شەتەل ەلشىلەرىنەن سەنىم گراموتاسىن قابىلدادى - فوتو
اتاپ ايتقاندا، مەملەكەتتىك حاتشىعا سەنىم گراموتاسىن مەكسيكا قۇراما شتاتتارىنىڭ قازاقستانداعى ەلشىسى مارتا ەلەنا فەدەريكا بارسەنا كوكيۋ، ۆەنەسۋەلا ەلشىسى امەنوتەم زامبرانو كونترارەس، كونگو ەلشىسى ەمە كلوۆيس گيون، كورەيا حالىق دەموكراتيالىق رەسپۋبليكاسىنىڭ ەلشىسى كيم حەن چجۋن، سۋدان ەلشىسى ومەر داحاب فادل موحامەد، ەل- سالۆادور ەلشىسى كلاۋديا يۆەتتە كانحۋرا دە سەنتەنو تابىس ەتتى. اتاپ وتەرلىگى، بۇل شەتەلدىك ەلشىلەردىڭ بارلىعى دا قازاقستانداعى ديپلوماتيالىق قىزمەتتەرىن قوسا اتقارادى.
شارا بارىسىندا گ. ءابدىقالىقوۆا مەكسيكا، ۆەنەسۋەلا، كونگو جانە ك ح د ر (سولتۇستىك كوريا) ەلشىلەرىنە «ەكسپو-2017» كورمەسىن وتكىزۋ قۇقىن الۋدا استانانىڭ كانديداتۋراسىنا قولداۋ كورسەتكەندەرىنە، سونىمەن قاتار مەكسيكا، ۆەنەسۋەلا، سالۆادور جانە ك ح د ر- ءدىڭ 2017-2018 ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستان رەسپۋبليكاسىنىڭ كانديداتۋراسىن قولداعاندارى ءۇشىن العىس ايتتى.
مەملەكەتتىك حاتشى اتالعان مەملەكەتتەردىڭ توتەنشە جانە وكىلەتتى ەلشىلەرىنىڭ قىزمەتتەرى ءبىزدىڭ ەلدەرىمىزدىڭ اراسىنداعى ىنتىماقتاستىق الەۋەتىن ارتتىرۋعا ىقپال ەتەتىنىنە ءۇمىت ءبىلدىردى.
