مەملەكەتتىك ءتىلدى دامىتۋ قورى بالالارعا ارنالعان ءبىرقاتار جوبالاردى ىسكە قوسادى - ازات شاۋەيەۆ

 استانا. قازاقپارات - بيىل مەملەكەتتىك ءتىلدى دامىتۋ قورى جاڭا تەحنولوگيالار نەگىزىندە ءبىرقاتار جوبالاردى ىسكە اسىرادى.

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا اتالعان قوردىڭ ديرەكتورى ازات شاۋەيەۆ ءمالىم ەتتى.

 «مەملەكەتتىك ءتىلدى دامىتۋ قورى ءبىر عانا پورتالمەن شەكتەلىپ قالمايدى. ءتۇرلى جوبالارىمىزدى جوسپارلاپ وتىرمىز. بىلتىرعى جىلدىڭ اياعىندا «ايتىس» (iTys) اتتى تۇڭعىش قازاقستاندىق مەسسەندجەردىڭ تانىستىرىلىمى وتكەن بولاتىن. بۇگىندە ونى 300 مىڭنان استام جاستار پايدالانۋدا. سونداي- اق قارجى تابىلعان جاعدايدا، جىلدىڭ سوڭىنا دەيىن «قۇجات ءتىلى» ۇلكەن پورتالىن ازىرلەمەكپىز»، - دەدى شاۋەيەۆ.

بيىلعى ناۋرىزدا ەلباسىنىڭ قابىلداۋىندا بولعانىن ەسكە سالىپ وتكەن ول، پرەزيدەنت بالالارعا ارنالعان جوبالاردى ىسكە قوسۋعا تاپسىرما بەرگەندىگىن اتاپ ءوتتى.

«استانا كۇنى قارساڭىندا «ءتاتتى الما» اتتى بالالارعا ارنالعان جوبانى ىسكە اسىرماقپىز. تاۋەلسىزدىك جىلدارى قازاقستاندىق اقىندار مەن جازۋشىلاردىڭ ەش جەردە جاريالانباعان بالالارعا ارناپ جازعان شىعارمالارىن قامتي وتىرىپ، ەكى تومدىق انتولوگيانى جاساپ شىعارماقپىز. سونىمەن قاتار «Tatti alma.kz» اتتى تەك بالالار ءۇشىن ادەبي پورتال قۇرماقشىمىز»، - دەدى قور ديرەكتورى.

ونىڭ ايتۋىنشا، ۇلى اقىن ابايدىڭ 170 جىلدىعىنا وراي مەملەكەتتىك ءتىلدى دامىتۋ قورى «Abay alemi.kz»  اتتى ۇلكەن پورتالدى اشۋدى جوسپارلانىپ وتىر.

«ەلباسىنىڭ تاپسىرماسىنا سايكەس، بالالار مەن جاستارعا ارنالعان تاعى دا جاڭا جوبالاردى الداعى ۋاقىتتا تانىستىرامىز دەپ جوسپارلادىق»، - دەدى ازات شاۋەيەۆ.

ايتا كەتەيىك، بۇگىن استانادا مەملەكەتتىك ءتىلدى دامىتۋ قورى مەن «Samsung Electronics Central Eurasia»  كومپانياسى بىرلەسىپ SMART. TV ءۇشىن ارنايى ازىرلەگەن  «Soyle.kz»قوسىمشاسىنىڭ تۇساۋكەسەرى ءوتتى.

بۇل قوسىمشانىڭ ازىرلەنۋى قازاق ءتىلىنىڭ الەمدىك اقپاراتتىق جۇيەگە ەنۋىنە ىقپال ەتپەك. ەندى  «Soyle.kz» قوسىمشاسىنىڭ كومەگىمەن ۇيدە تەلەديدار الدىندا وتىرىپ- اق SMART. TV ارقىلى قازاق ءتىلىن ۇيرەنۋگە بولادى.

اۆتور: رۋسلان عابباسوۆ