تالدىقورعاندا قابانباي باتىردىڭ ەسكەرتكىشىن قورلاعان بۇزاقىلار ۇستالدى - فوتو
ءتارتىپ ساقشىلارى تىڭعىلىقتى جۇمىس جۇرگىزۋدىڭ ارقاسىندا بۇزاقىلاردى ۇستادى. ولار ماتاي ستانساسى مەن بورالداي اۋىلىنىڭ تۇرعىندارى 26 جاستاعى داۋرەن كوپتىلەۋوۆ پەن 28 جاستاعى بولات بوكەنوۆ بولىپ شىقتى.
بۇل ارەكەتتىڭ كوپشىلىكتىڭ قىزۋ تالقىسىنا تۇسكەنىن ەسكەرىپ، پوليسەيلەر بۇزاقىلاردى قالانىڭ ارداگەرلەر كەڭەسىنە اكەلدى.
اي كۇننىڭ اماندىعىندا بيىكتىگى ون مەتردەن اساتىن ەسكەرتكىشتىڭ ۇستىنە شىعۋعا نە يتەرمەلەدى دەگەن قاريالاردىڭ سۇراعىنا ايتار جاۋاپتارى دا جوق. ءۇنسىز تۇر. اقساقالداردىڭ بۇل ساۋالىنا جاۋاپ بەرگەن تالدىقورعان قالالىق ءى ءى ب باستىعى ەرلان سانسىزبايەۆ تەرگەۋ بارىسىندا عالامتوردا ءبىر اي بۇرىن تاراعان وقيعا وسىدان ءتورت جىل بۇرىن ورىن العاندىعى انىقتالعاندىعىن مالىمدەدى.
- بۇل وقيعا 2011 - جىلدىڭ 25 - جەلتوقسانىندا ورىن العانى بەلگىلى بولدى. جاستار بۇل ارەكەتكە ىشىمدىك سالدارىنان بارعانىن مويىندادى. تەرگەۋدىڭ انىقتاۋىنا سۇيەنسەك، 2011 - جىلى 25 - جەلتوقساندا دوسىنىڭ ۇيلەنۋ تويىن تويلاپ جۇرگەن ولار وسىنداي كەلەڭسىز قادامعا بارعان.
تالدىقورعان قالاسى ىشكى ىستەر ءبولىمىنىڭ باستىعى ەرلان سانسىزبايەۆ اتاپ وتكەندەي، بۇزاقىلارعا قاتىستى ق ر ق ك 293- بابىنىڭ 2- بولىگى بويىنشا قىلمىستىق ءىس قوزعالعان. اقساقالدار قابانباي باتىردىڭ ەسكەرتكىشىن قورلاۋ قازاقستان تاريحىن قورلاۋمەن تەڭ دەگەن ويلارىن ايتتى.
اقساقالدار قالانىڭ باس پوليسەيىنە بۇزاقىلاردى قوعامدىق جۇمىسقا تارتىپ، باتىر ەسكەرتكىشىنىڭ اينالاسىن تازالاتۋعا تارتۋدى سۇرادى.
