جامان قىزدىڭ جەڭگەتايى - شەشەسى

استانا. قازاقپارات - قازاق حالقى ماقال- ماتەلگە كەندە ەمەس. ساپىرىلعان سىلدىر ءسوزدى دە، ءبىر كىتاپتىق تۇتاس ويدى دا ءبىر اۋىز سوزبەن جەتكىزە بىلەدى.

 ال وزگە حالىقتاردىڭ ءبىزدىڭ ماقالدارىمىزعا ۇقساس جانە ءبىز بىلمەيتىن قانداي توبىقتاي ءتۇيىنى بار ەكەن؟ نازارلارىڭىزعا وتباسى، تاربيە تۋرالى ماقال- ماتەلدەر جيىنىن ۇسىنامىز.

 

اناۋ جەلباس، مىناۋ ساراڭ -

كۇيەۋگە مەن كىمگە بارام؟ .. (شۋمەر)

 

ۇزىلگەن شىبىقتان ۇرپاق تا كۇتپە،

ءدان دە دامەتپە (شۋمەر).

 

وراق ۇستاپ اكەڭ قالعانشا،

ويماق ۇستاپ شەشەڭ قالسىن (ۇيعىر).

 

بالالى ءۇي - گۇلستان، بالاسىز ءۇي - كورستان (ۇيعىر).

 

ءبىر اكە ون بالانى باعىپ شىعار،

ون بالا ءبىر اكەنى اۋىرسىنار (ۇيعىر).

 

شەشەسىنە قاراپ، قىزىن قۇش،

شەلەگىنە قاراپ سۋىن ءىش (تاتار).

 

جامان قىزدىڭ جەڭگەتايى - شەشەسى (تاتار).

 

انانىڭ كۋالىگى - بالا (تاتار).

 

كەلىنشەكسىز ءۇي كوكتەمسىز جىل سياقتى (تاتار).

 

ايەل تىلەسە قازاناتتان ازامات،

ازاماتتان قازانات جاسار (تاتار).

 

جامان قاتىننىڭ پىشاعىنان ءتىلى وتكىر (تاتار).

 

ەرى مەن قاتىن وت پەن ءتۇتىن،

اراسىنا تۇسسەڭ، قالماسسىڭ ءبۇتىن (تاتار).

 

انانىڭ كوڭىلى قىزىندا،

قىزىنىڭ كوڭىلى قىزىلدا (تاتار).

 

ەرىن باعا بىلگەن - ەلىن دە باعار (تاتار).

 

انا سۇتىمەن كىرمەگەن اقىل

تانا سۇتىمەن كىرمەيدى (باشقۇرت).

 

قايراتتى قاتىن قار ۇستىندە قازان قايناتار (باشقۇرت).

 

بالا بولماي، پانا بولماس (شەشەن).

 

اناسى ماقتاعانمەن قىزدىڭ باعاسى ارتپايدى (شەشەن).

 

اسىل تەكتى بالاپان ۇياسىندا ءان سالار (شەشەن).

 

بىرگە تۋعانى باردىڭ بەرىك قورعانى بار (موردۆا).

 

اۋىلداعى جاڭالىقتى اعادان سۇرا،

ۇيدەگى جاڭالىقتى بالادان سۇرا (لەزگين).

 

بالانىڭ ءمىنى - اتا- انانىڭ ءمىنى (اراب).

 

اۋىلىڭنىڭ اتىن ۇمىتساڭ دا، سالتىن ۇمىتپا (اۋعان).

 

شىنايى ەركەكتىڭ شىلبىرى مەن تىزگىنى ءوز قولىندا (كۋرد).

 

جالعىز ۇل اكەسىنە ءامىرشى (بەنگال).

 

ءوز ۇيىڭدە وتىڭدى باق، كىسى ۇيىندە اۋزىڭدى باق (موڭعول).

 

بويجەتكەننىڭ ۇياتى بوساعادان اتتاعانشا (بولگار).

 

ءداستۇرى جاراسپاعاننىڭ ءدام تۇزى جاراسپايدى (ورىس).

 

ايەلىڭە بالاڭ جوق جەردە اقىل ايت،

بالاڭا ادام جوق جەردە اقىل ايت (ورىس).

 

بالاسىنىڭ كويلەگىنە قاراشى:

قانداي ەكەن اناسى؟ (مولداۆان)

 

اناسىنىڭ تىزەسىنە سۇيەنگەن ءسابي تەزىرەك وسەدى (ەستون).

 

انا باۋلىعان بالا - ەپتى،

اكە باۋلىعان بالا - ەستى (ۆەتنام) .

 

اتى شۋلى قىزدان، اتى شىقپاعان قىز ارتىق (نەمىس).

 

جىلدار وتسە، كەلىن دە ءوسىپ تولادى،

ول دا ءبىر كۇن قايىن ەنە بولادى (كورەي).

 

قايىرىمدىلىقتى قارا شاڭىراعىڭنان باستا (اعىلشىن).

 

اكەنىڭ الاپات ءمىنى - ساراڭدىق،

بالانىڭ الاپات ءمىنى - جالقاۋلىق (فرانسۋز).

 

كورگەندى كوگەرشىن اكە- شەشەسىنەن ءۇش بۇتاق تومەن قوناقتايدى (جاپون).

 

«الەم حالىقتارىنىڭ ماقال- ماتەلدەرى» كىتابىنان

massaget.kz