قىتايلىقتار ءيت ەتىنەن باس تارتا باستادى
Sunshine دەپ اتالاتىن وسىناۋ ورتالىق 1963 -جىلى اشىلعان. ونىڭ يەلەرىنىڭ ايتۋىنشا، ەل تۇرعىندارىنىڭ اراسىندا ءيت ەتىنە دەگەن سۇرانىس تومەندەپ، مەيرامحانا شىعىنعا كەتە باستاعان. South China Morning Post باسىلىمى حابارلاعانداي، بۇل قىتايدا جابىلىپ جاتقان العاشقى ءدامحانا ەمەس. بۇعان دەيىن دە ءيت پەن مىسىق ەتىن ازىرلەۋگە نەگىزدەلگەن مەيرامحانالار سۇرانىستىڭ كۇرت تومەندەپ كەتۋىنە بايلانىستى ءوز جۇمىستارىن توقتاتقان.
قىتايلىقتاردىڭ ءيت ەتىنەن باس تارتۋىنا نەگىزىنەن ەكى سەبەپ بار. بىرىنشىدەن، جەرگىلىكتى بيلىك وكىلدەرى ءتۇرلى اۋرۋلاردى بولدىرماۋ ماقساتىندا حالىقتى ءيت پەن مىسىق ەتتەرىنەن باس تارتۋعا شاقىرىپ وتىر. ەكىنشىدەن، ەلدە جانۋارلار قۇقىعىن قورعاۋ ۇيىمدارى بەلسەندى جۇمىس اتقارىپ جاتىر.
ايتا كەتەيىك، قىتايدا ءيت ەتىن تاعام رەتىندە پايدالانۋ ۇعىمى ءبىزدىڭ زامانىمىزعا دەيىنگى 500 -جىلى پايدا بولعان.
baq.kz
