يتاليا پرەزيدەنتىنە ەلباسى شىعارمالارى مەن قازاقستان تۋرالى كىتاپتار جيناعى سىيعا تارتىلدى
كورمەگە جىل سايىن ءتۇرلى باسپا ونىمدەرىن ءوندىرۋشى جانە ساتۋشى كومپانيالاردىڭ وكىلدەرى، جازۋشىلار مەن باسپاشىلار، اگەنتتەر مەن تىلشىلەر قاتىسادى. قازاقستاننىڭ يتالياداعى ەلشىلىگىنىڭ قولداۋىمەن بيىل قازاقستان كورمە پاۆيلوندارىندا العاش رەت ءوز باسىلىمدارىن شىعاردى.
بۇل تۋرالى ق ر س ءى م باسپا ءسوز قىزمەتى حابارلادى.
«الماتى كىتاپ باسپاسى» كورمەگە قازاقستاندىق جازۋشىلاردىڭ جاڭا كىتاپتارىن، بالالار ادەبيەتىن، قازاق حالقىنىڭ مادەنيەتى مەن تۇرمىسىن، سالت- داستۇرلەرىن، باتىر جانە ليريكالىق جىرلارىن قامتيتىن «مەنىڭ قازاقستانىم» جيناعىنىڭ قازاق، ورىس جانە اعىلشىن تىلدەرىندە شىققان باسىلىمدارى مەن البومدارىن ۇسىندى.
قازاقستان ەلشىلىگى جارمەڭكە قوناقتارى مەن قاتىسۋشىلارىنا يتاليان تىلىندە شىققان ەلىمىز تۋرالى كىتاپتار، كىتاپشالار مەن بۋكلەتتەرىن، سونداي- اق پرەزيدەنت ن. نازاربايەۆتىڭ «ەۋرازيا جۇرەگىندە» جانە « G- global : 21 - عاسىر الەمى» شىعارمالارىن ۇسىندى.
تۋرين حالىقارالىق كىتاپ كومەسىنىڭ رەسمي اشىلۋىنا يتاليا پرەزيدەنتى سەردجيو ماتتارەللا قاتىستى. قازاقستاندىق ستەندتى ارالاعان كەزدە وعان اعىلشىن جانە يتاليان تىلدەرىندە باسىپ شىعارىلعان ق ر پرەزيدەنتى شىعارمالارى مەن قازاقستان تۋرالى كىتاپتار جيناعى سىيعا تارتىلدى.
ەلشى اندريان ەلەمەسوۆ قازاقستاندىق ستەندكە كەلگەن قوناقتاردى قارسى الىپ، قازاقستاندىق جازۋشىلار شىعارماشىلىعىن يتاليادا تانىستىرۋ قازاقستاننىڭ مادەني مۇراسىن ەۋروپاعا تاراتۋعا زور مۇمكىندىك بەرەدى دەپ اتاپ ءوتتى. ول ەلىمىزدىڭ تۋرين كورمەسىنە قاتىسۋى قازاقستان مادەنيەتىنىڭ جاھاندىق مادەني مۇرانىڭ اجىراماس بولىگىنە اينالۋىنا ىقپال ەتەدى دەپ سەنىم ءبىلدىردى.
قازاقستاندىق ستەند باعدارلاماسى شەڭبەرىندە كىتاپتاردىڭ كوپشىلىك نازارىنا ۇسىنىلۋىمەن قاتار ءبىرقاتار تۇساۋكەسەرلەر ءوتىپ، اۆتورلار مەن يتالياندىق ساراپشىلاردىڭ قازاقستان رەسپۋبليكاسىنداعى ساياسي، ەكونوميكالىق جانە مادەني ءومىردىڭ ءتۇرلى اسپەكتىلەرىنە ارنالعان باياندامالارى ۇيىمداستىرىلدى.
