تۇركولوگتار تارازدا باس قوسپاق
شارانى ۇيىمداستىرۋشى - مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق- ساياسي جۇمىس كوميتەتى مەن «ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعى».
شارا اياسىندا «كونە تۇركى جازبالارى مەن قازاق مادەنيەتى: ءتىل جانە تاريح» اتتى عىلىمي- پراكتيكالىق كونفەرەنتسيا جانە تۇركى مادەنيەتىنە ارنالعان كونسەرت وتكىزىلەدى.
شاراعا ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتىنىڭ باسشىلارى، ەلىمىزدىڭ بارلىق وڭىرىنەن 20-دان استام تۇركولوگ عالىمدار، ونەر شەبەرلەرى، زيالى قاۋىم جانە ب ا ق وكىلدەرى قاتىسادى.
سونىمەن قاتار قىرعىزستان، ازەربايجاننان تۇركى جازباسىن زەرتتەۋشى تۇركولوگ عالىمدار قاتىسادى.
كونفەرەنسيادا كونە تۇركى تىلىنەن باستاۋ العان العاشقى جازۋدىڭ پايدا بولۋ تاريحى، قازاق حاندىعىنىڭ 550 جىلدىعى اياسىندا مەملەكەتتىگىمىزدىڭ قالىپتاسۋ ەرەكشەلىكتەرى، ۇلتتىق قۇندىلىقتارىمىزدى حالىق ساناسىنا ءسىڭىرۋ جانە ت. ب. ماسەلەلەر ءسوز بولادى.
