مەملەكەتتىك ءتىل ماسەلەسىن كوتەرگەن ۇزدىك جۋرناليست ماراپاتتالماق
بايقاۋدىڭ ماقساتى: مەملەكەتتىك ءتىل ساياساتىن بۇقارالىق اقپارات قۇرالدارىندا كەڭىنەن ناسيحاتتاۋ.
بايقاۋعا ەلىمىزدىڭ قوعامدىق ومىرىندە مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ بويىنشا قازىرگى مەملەكەتتىك ءتىلدىڭ احۋالى تۋرالى وتكىر دە، وزەكتى ماقالالار (باعدارلامالار) جاريالاعان جانە جاريالاپ جۇرگەن جەكەلەگەن جۋرناليستەر قاتىسا الادى.
بايقاۋ ءتورت نوميناتسيادان تۇرادى:
- «ۇزدىك ماقالا» (باسپا ءسوز بويىنشا)؛
- «ۇزدىك تەلەارنا باعدارلاماسى» (تەلەارنا باعدارلامالارى بويىنشا)؛
- «ۇزدىك راديو باعدارلاماسى» (راديو باعدارلامالارى بويىنشا)
- «ۇزدىك سايت ماقالاسى» (سايت ماتەريالدارى بويىنشا)
بايقاۋ 2015 -جىلعى 10 - قاڭتار مەن 10 - ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمدار، ەفيردەن وتكەن حابارلار، قازاق تىلىندە جۇمىس ىستەپ جاتقان سايتتار قامتىلىپ وتىر.
بايقاۋ ماتەريالدارى جاريالانعان كۇيىندە (گازەت- جۋرنال بەتتەرىندە، بەينە جانە اۋديوكاسەتا نەمەسە CD)- DVD ديسك تۇرىندە) 10 - ماۋسىمعا دەيىن قابىلدانادى.
بايقاۋ جەڭىمپازدارى قازىلار القىسىنىڭ شەشىمىنە سايكەس ارنايى ديپلومدار، العىسحاتتار جانە اقشالاي سىيلىقتارمەن ماراپاتتالادى.
ماراپاتتاۋ ءراسىمى استانا قالاسىندا وتەدى.
بايقاۋعا ۇسىنىلعان ماتەريالدار 2015 - جىلدىڭ 10- ماۋسىمىنا دەيىن تومەندەگى مەكەن جايعا جولدانىلۋى ءتيىس:
01000 استانا قالاسى، «مينيسترلىكتەر ءۇيى» ، 15-كىرەبەرىس. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق- ساياسي جۇمىس كوميتەتى، «مەملەكەتتىك ءتىل جانە بۇقارالىق اقپارات قۇرالدارى» رەسپۋبليكالىق كونكۋرسىنا.
بايلانىس تەلەفوندارى: 740501, 740502
