07:29, 20 - مامىر 2015 | GMT +5
يسپانيا جاعاجايلارى الەمدەگى ەڭ تازا دەپ تانىلدى
استانا. قازاقپارات - بيىل يسپانياداعى 577 جاعاجاي سۋ تازالىعى مەن ەكولوگياسى جاعىنان ەڭ تازا دەپ تانىلدى. ەكولوگيالىق ءبىلىم بەرۋ قورى 1987- جىلدان بەرى ەلدەردەگى جاعاجاي سۋىنىڭ تازالىعىن قاداعالاپ، ۇزدىكتەردى كوگىلدىر تۋمەن ماراپاتتايدى.
سول سەبەپتى وسى ورايدا ەڭ كوپ 577 تۋدى يەمدەنگەن يسپانيا جاعاجايلارى ەڭ تازا ەلدەر اراسىنان كوش باستادى، دەپ جازادى TheLocal.
ال يسپانياداعى ايماقتار اراسىنان گاليسيانىڭ تەڭىز جاعالاۋلارى ەڭ تازا دەپ تانىلعان ەكەن. يسپان ەلىنەن كەينگى ەكىنشى ورىندا تۇركيا تۇر. مۇندا 436 جاعاجاي تازالىق تالاپتارىنا ساي كەلەدى. ال گرەكيا (395) مەن فرانسيا (379)، سايكەسىنشە ءۇشىنشى يەمدەنگەن. جالپى كوگىلدىر تۋ ەلدەرگە 4 كريتەري نەگىزىندە بەرىلەدى: ەكولوگيالىق اقپارات، سۋ ساپاسى، ەكولوگيالىق مەنەدجمەنت، كورسەتىلەتىن قىزمەت قاۋىپسىزدىگى مەن ساپاسى.
