ا ق ش- تا پوليتسەيلەردىڭ قارۋ- جاراعىنا قاتىستى شەكتەۋ قويىلدى

استانا. قازاقپارات - ا ق ش- تا پوليتسەيلەردىڭ كەيبىر قارۋ- جاراقتى قولدانۋىنا تىيىم سالىندى. بۇدان بىلاي ولار ۇشقىشسىز باسقارىلاتىن قۇرال، گراناتا اتقىش سياقتى تەحنيكالىق قۇرال- جابدىقتاردى ەمىن- ەركىن پايدالانا المايدى.

 بۇعان فەرگيۋسون، بالتيمور قالالارىنداعى وقيعالار سەبەپ بولعان. وندا قارا ءناسىلدى امەريكالىقتارعا كۇش كورسەتىلگەن سوڭ، تۇرعىندار جاپپاي ەرەۋىلگە شىققان بولاتىن.

 ال شەرۋشىلەردى تاراتۋعا اۋىر تەحنيكالار قولدانىلعان ەدى. وعان قوسا سوڭعى كەزدە امەريكالىق پوليتسەيلەرگە قاتىستى سىن كوبەيىپ، ا ق ش حالقى جاپپاي باس كوتەرگەن بولاتىن. ەستەرىڭىزدە بولسا، وتكەن ايداعى شەرۋ سالدارىنان 100 گە جۋىق ءتارتىپ ساقشىسى جاراقات الىپ، باسسىزدىققا جول بەرگەن تۇرعىنداردىڭ 200 دەيى تەمىر تورعا توعىتىلعان بولاتىن. ايتا كەتەيىك، پوليتسەيلەردىڭ اسكەري قۇرال- جابدىقتاردى قولدانۋىنا تىيىم سالاتىن جوباعا باراك وباما قول قويىپ، قۇجات بۇگىننەن باستاپ كۇشىنە ەندى.

باراك وباما، ا ق ش پرەزيدەنتى:

- اسكەري قۇرال- سايمانداردىڭ ادام ساناسىندا قانداي ۇرەي تۋعىزاتىنى بەلگىلى. اۋىر تەحنيكالار تۇرعىنداردى قورقىتۋمەن قوسا، ولاردىڭ كوڭىلىنە سەنىمسىزدىك ۇيالاتادى. سوندىقتان پوليتسيا قىزمەتكەرلەرىنىڭ كەيبىر اسكەري قۇرال- جابدىقتاردى قولدانۋى دۇرىس ەمەس دەپ شەشتىك.

 www.24.kz