مىسىقشا ويناعان كارى ارىستان عالامتور جۇلدىزىنا اينالدى - بەينە

استانا. قازاقپارات -  15 جىلعا جۋىق ۋاقىت بويى قاماۋدا ۇستالىپ، سيركتە قىزمەت ەتكەن اڭدار پاتشاسى بوستاندىققا شىعارىلعان كەزدە مىسىقشا «ەركەلەپ»، ۇزاق ويناعان.

 ارنايى ورىنعا كوشىرىلگەن جىرتقىش اڭ ۇزاق جىلداردان كەيىن العاش رەت جاسىل ءشوبى بار الاڭدا تازا اۋاعا شىعارىلعان.

 سوناۋ 2006 - جىلى تۇسىرىلسە دە، YouTube پورتالىندا تاياۋدا عانا پايدا بولعان بەينەروليكتى كۇن سايىن 100 مىڭعا جۋىق ادام تاماشالاۋدا. بەلگىلى ءبىر تۇراعى جوق، قاڭعىباس سيركتە ونەر كورسەتكەن ۋيلل اتتى بۇل ارىستان وسىدان 4-جىل بۇرىن برازيليانىڭ Rancho dos Gnomos قورىعىندا كوز جۇمعان.   ءبىراق ون جىلدان استام ۋاقىت تەمىر توردان كوز اشپاعان ۋيلدىڭ ەركىندىككە شىققان العاشقى ساتتەرى قورىق قىزمەتكەرلەرىن ەرەكشە سەزىمگە بولەپ، ولار بۇل ءساتتى بەينەگە ءتۇسىرىپ العان ەكەن، دەپ جازادى kp.ru.  

www.24.kz