شاڭحايدا الەمدەگى ەڭ بيىك عيماراتتىڭ ءبىرى ەسىگىن ايقارا اشتى

استانا. قازاقپارات - قىتايدا جۇمىر جەردەگى اسپانمەن استاسقان ەڭ بيىك ەكىنشى ءزاۋلىم ءۇي ەلگە ەسىگىن ايقارا اشتى.

 شاڭحايداعى الىپ مۇنارانىڭ قۇرىلىسى بىلتىر اياقتالعانمەن، وعان كۇنى بۇگىنگە دەيىن بىردە- ءبىر ساياحاتشى اياق باسپاعان بولاتىن. ال ەندى 120- قاباتقا كوتەرىلىپ، تاڭ- تاماشا كورىنىستىڭ كۋاگەرى بولام دەۋشىلەرگە مارحابات! 

 زاڭعار مۇنارا - قىتاي اۋماعىندا سوعىلعان ەڭ بيىك عيمارات. ونىڭ بيىكتىگى ۇشار باسىنداعى سۇمبىمەن قوسا ەسەپتەگەندە - 632 مەتر.   قازىرگى تاڭدا كوكپەن تالاسۋ جاعىنان ودان اسىپ تۇسەتىن ەكى- اق عيمارات بار. ءبىرى - الەمگە ايگىلى دۋبايداعى «بۋردج- حاليفا». ەكىنشىسى - توكيوداعى تەلەمۇنارا.

 شاڭحاي مۇناراسىنىڭ تابالدىرىعىنان العاش اتتاعان ادامدار قايران قالعانىن ايتادى.

  لو يۋيتسزە، قۇرىلىس مەكتەبىنىڭ مۇعالىمى:

 - شىنى كەرەك، كوكىرەگىمدى ماقتانىش سەزىمى كەرنەپ تۇر. قارىشتاپ دامىپ جاتقان ەلىمىزدە وسىنداي تاڭداي قاقتىرار عيماراتتاردىڭ بوي كوتەرىپ جاتقانى ارينە ءبىز ءۇشىن ۇلكەن قۋانىش! 

 khabar.kz