ق. توقايەۆ: ق ر- دىڭ بەيبىتشىل، سىندارلى سىرتقى ساياساتى، ىشكى تۇراقتىلىعى - ەلىمىزدىڭ حالىقارالىق قاۋىپسىزدىككە قوسقان ەلەۋلى ۇلەسى - فوتو

 ماسكەۋ. قازاقپارات - قازاقستاننىڭ بەيبىتشىل، سىندارلى سىرتقى ساياساتى، ورنىقتى ەكونوميكالىق دامۋعا نەگىزدەلگەن ىشكى تۇراقتىلىعى ءبىزدىڭ ەلدىڭ حالىقارالىق قاۋىپسىزدىككە قوسقان ەلەۋلى ۇلەسى بولىپ تابىلادى.

بۇل تۋرالى ماسكەۋگە 2 كۇندىك رەسمي ساپارى اياسىندا وتكەن ر ف س ءى م ديپلوماتيالىق اكادەمياسىنىڭ وقىتۋشىلىق قۇرامى جانە تىڭداۋشىلارىمەن كەزدەسۋ بارىسىندا پارلامەنت سەناتىنىڭ ءتوراعاسى قاسىم- جومارت توقايەۆ مالىمدەدى.

 «قازاقستان قىسقا كەزەڭدە ءبىرقاتار ستراتەگيالىق مىندەتتەردى شەشە ءبىلدى. اسىرەسە، ءبىزدىڭ مەملەكەت ءوزىنىڭ حالىقارالىق مىندەتتەمەلەرىنە جاۋاپتىلىقپەن قارايتىن سەنىمدى ارىپتەس رەتىندە حالىقارالىق ارەناعا تانىلدى»، - دەپ اتاپ ءوتتى ق. توقايەۆ.

«بۇدان باسقا، اۋماعى جاعىنان الەمدە توعىزىنشى ورىندى يەلەنەتىن ۇزىندىعى 11 مىڭ شاقىرىمنان استام شەكارا زاڭدى تۇردە رەسىمدەلدى. بۇل كۇن تارتىبىنەن كورشى مەملەكەتتەرمەن ءوزارا قارىم- قاتىناستا شەكارالىق داۋ- دامايدىڭ تۋىنداۋىن بولدىرماۋعا، ستراتەگيالىق ارىپتەستىك پەن ءوزارا ءتيىمدى ىنتىماقتاستىقتىڭ نەگىزىن قالاۋعا مۇمكىندىك بەردى»، - دەپ قوستى ول.

سەنات ءتوراعاسى «قازاقستان يادرولىق قارۋدى تاراتپاۋ رەجىمىنە ءوزىنىڭ بەيىلدىلىگىن مالىمدەدى جانە قازىرگى ۋاقىتتا يادرولىق قارۋسىزدانۋ ءۇشىن جاھاندىق قوزعالىستا كوشباسشى رەتىندە قارالاتىنىن اتاپ ءوتتى».

«ءبىزدىڭ ەل سىرتقى ساياساتىن كورشى ەل بولسىن، شالعاي ەل بولسىن، داۋ- دامايسىز قالىپتاستىرىپ، ولارمەن قاتىناستى دوستاستىق، تەڭ قۇقىقتى، ءوزارا تۇسىنىستىك نەگىزىندە ۇستاي ءبىلدى. بۇل ساياسات قازاقستاننىڭ ۇلتتىق مۇددەلەرىنە سايكەس كەلەدى»، - دەدى ق. توقايەۆ. «قازاقستاننىڭ بەيبىتشىل، سىنداردى سىرتقى ساياساتى جانە ورنىقتى ەكونوميكالىق دامۋعا نەگىزدەلگەن ىشكى تۇراقتىلىعى ءبىزدىڭ ەلدىڭ حالىقارالىق قاۋىپىزدىككە قوسقان ەلەۋلى ۇلەسى بولىپ تابىلادى»، - دەپ اتاپ ءوتتى ول.