اقتوبەدە وبلىستىڭ ۇزدىك «بارىستارىن» انىقتادى - فوتو
پالۋاندار اراسىندا 5 جىلدان بەرى وتكىزىلىپ كەلە جاتقان بۇل سايىستىڭ بيىلعى دوداسى ەڭ اسەرلى ءارى اۋقىمدىسى بولدى. ۇيىمداستىرۋشىلار ونى ۇلتتىق سپورت ءتۇرىنىڭ ناعىز مەرەكەسىنە اينالدىرا ءبىلدى.
جارىستىڭ قورىتىندىسى بويىنشا «اقتوبە بارىسى» اتاعىن قازاق كۇرەسىنەن الەمنىڭ ەكى دۇركىن چەمپيونى، وتكەن جىلدارى «قازاقستان بارىسى» رەسپۋبليكالىق جارىسىنىڭ قاتىسۋشىسى، اقتوبەلىك باقتىباي قيسىقوۆ يەلەندى. اقتىق كەزەڭدە ول شىڭعىس شوقپىتوۆتى جەڭىپ، جارىستىڭ باستى جۇلدەسى - «لادا- گرانتا» كولىگىنە يە بولدى.
جەڭىمپازدار مەن جۇلدەگەرلەردى ماراپاتتاۋ راسىمىندە وبلىس اكىمى ارحيمەد مۇحامبەتوۆ جوعارى شەبەرلىك كورسەتكەن شىڭعىس شوقپىتوۆ تا تۋرا سونداي كولىكپەن ماراپاتتالاتىنىن اتاپ ءوتتى. جارىستىڭ ءۇشىنشى جۇلدەگەرى - ايتەكە بي اۋدانىنان كەلگەن سايات جەتىبايەۆ بولدى.
وسىلايشا، شىلدە ايىندا استانا قالاسىندا وتەتىن اقتىق جارىستا اقتوبە وبلىسىنىڭ نامىسىن باقتىباي قيسىقوۆ پەن شىڭعىس شوقپىتوۆ قورعاماق.
