دجيۋ- دجيتسۋ جاپوننىڭ قارۋسىز ءوزىن ءوزى قورعانۋ ونەرى - فوتو
ءبىر سوزبەن ايتقاندا، بۇل كۇرەس پەن ءوزىن ءوزى قورعاۋدىڭ امبەباپ ونەرى. قازىرگى كەزدە دجيۋ- دجيتسۋ كوپشىلىك جاپون جەكپە- جەك ونەرى سەكىلدى سپورت تۇرىنە اينالدى. دجيۋ- دجيتسۋ حالىقارالىق فەدەراتسياسى، جارىس ەرەجەسى جاسالدى.
قازاقستان دجيۋ- دجيتسۋ ۇلتتىق فەدەراتسياسى (ق د ۇ ف) 1992 -جىلعى 26 اقپاندا قۇرىلىپ، ق ر ادىلەت مينيسترلىگىندە تىركەلدى. جاۋىنگەرلىك ونەردىڭ وسى ءتۇرى بويىنشا قازاقستاننىڭ ءبىرىنشى چەمپيوناتى 1993 -جىلى 15-16- قاراشادا بايقوڭىر قالاسىندا وتكىزىلدى. دجيۋ- دجيتسۋ بويىنشا ق ر قۇراماسى مۇشەلەرى شەتەلدە جەكپە- جەك ونەرى بويىنشا ءوتىپ جاتقان كوپتەگەن چەمپيوناتتار مەن تۋرنيرلەرگە قاتىستى. 1998 - جىلدان 2006 - جىل ارالىعىندا ق ر- نىڭ 18 شەبەرى، 3 حالىقارالىق دەڭگەيدەگى سپورت شەبەرى دايىندالدى.
دجيۋ- دجيتسۋ، شىعىس حالىقتارىنىڭ جەكپە- جەك سپورت تۇرلەرىنىڭ نەگىزىن قالاعان جاپوندىقتاردىڭ ءداستۇرلى، ۇلتتىق كۇرەسى. دجيۋ- دجيتسۋدىڭ ەرەكشەلىگى شابۋىل جاساعان قارسىلاسىنا دۇلەي قارا كۇشتى قولدانباي، ونىڭ شابۋىلشىنىڭ باعىتىن وزگەرتۋگە، تەپە- تەڭدىك قالپىنان ايىرۋعا سودان كەيىن بارىپ ءادىس قولدانۋعا نەمەسە سوعۋعا بولاتىندىعىندا.
دجيۋ- دجيتسۋ مەن اينالىسۋشى ادامنىڭ پسيحيكاسىن اناتوميانىڭ بيو فيزيكانى جاقسى بىلۋگە ءتيىس. د. -د. جارىس 12x12м كۇرەس كىلەمى ۇستىندە وتەدى. كىلەمنىڭ شەتى قابىرعادان 1 مەتىر قاشىق بولۋى ءتيىس. جارىس تۋرنيرى - ناگە- ۆازا (تاچي- ۆازا) جانە نە- ۆازا دەپ اتالادى. ولار جەكە سپورتشىلاردىڭ شەبەرلىك دارەجەسىنە جانە سالماق دارەجەلەرىنە قاراي بولىنەدى.
دجيۋ- دجيتسۋدان جارىس كەزىندە مىناداي اتاۋلار قولدانىلادى: قوي- دايىندال، حادجيمە- باستاڭدار، يامە- توقتا، ماتتە- باسەكە توقتاتىلىپ بۇرىنعى قالىپ ساقتالعان جاعداي، وساەكومي- قىسۋ، ۇستاسۋ، - توحەتا- ۇستاسۋدى توقتاتۋ، يپپون- ءبىر ۇپاي، ۆازاري- جارتى ۇپاي، ۆازاري اۆازەتتا يلپەن- قوسىمشا جارتى ۇپاي، حيككاۆەكا- تەڭ جەكپە- جەك، حانتەي- اعا تورەشىنىڭ قاتالدىعى تورەشىلەردەن پىكىرلەرىن سۇراۋ، چۋي- ەسكەرتۋ.
باسەكە 3 مينۋتقا سوزىلادى، ەگەر وسى ۋاقىت ارالىعىندا سپورتشىلاردىڭ ەشقايسىسى ارتىق ۇپاي الا الماسا، وندا كىلەمدەگى تورەشىنىڭ رۇقساتىمەن جەكپە- جەكتى جالعاستىرۋعا قوسىمشا ۋاقىت بەرىلۋى مۇمكىن.
