ريزابەك نۇسىپبەك ۇلىنىڭ سوزىنە جازىلعان ءان حالىقارالىق بايقاۋدا جۇلدەلى ورىننان كورىندى - فوتو

استانا. قازاقپارات - حالىقارالىق «Discovery»  ءان بايقاۋىندا قازاقستاندىق ءانشى نۇرسۇلتان قاراباليەۆ 3 - ورىن الدى.

بۇل تۋرالى اگەنتتىگىمىزگە ءانشىنىڭ پروديۋسەرى مەيىرجان الياكباروۆ حابارلادى.

بايقاۋ 15 - مامىر كۇنى بولگاريانىڭ ۆارنا قالاسىندا ءوتتى. 15 ەلدەن 17 ونەرپاز قاتىسقان ونەر دوداسىنا قازاقستاننىڭ اتىنان بارعان نۇرسۇلتان قاراباليەۆ ريزابەك نۇسىپبەك ۇلىنىڭ سوزىنە جازىلعان نۇرعالي ءالينۇردىڭ «اڭسارىم» ءانىن ورىنداعان بولاتىن. قازىلار القاسى ءبىر اۋىزدان نۇرسۇلتاندى ءۇشىنشى ورىنعا لايىق دەپ تانىدى.

ەكىنشى ورىندى يسپانيالىق ءانشى Sira Mayo يەلەنسە، ءبىرىنشى ورىن حورۆاتيالىق Dino عا بۇيىردى.

سونىمەن بىرگە، نۇرسۇلتان قاراباليەۆ ماكەدونيادا وتەتىن EURO POP FESTIVAL حالىقارالىق بايقاۋىنا جولداما الدى.

 ايتا كەتەيىك، Discovery ءان باسەكەسىنە 2004 - جىلى التىناي جورابايەۆا قاتىسىپ، ءبىرىنشى ورىن العان بولاتىن.