14:31, 19 - مامىر 2015 | GMT +6
قازاقستاندىق جەڭىل اتلەت ولگا رىپاكوۆا ريو-دە-جانەيرودا وتەتىن وليمپياداعا جولدامانى جەڭىپ الدى
استانا. قازاقپارات - ق ر ق م ورتالىق ارميا سپورت كلۋبىنىڭ كاپيتانى، قازاقستاندىق جەڭىل اتلەتشى ولگا رىپاكوۆا شاڭحايدا وتكەن Diamond Leauge (بريلليانت ليگاسى) سايىسىنىڭ ەكىنشى تۋرىندا قولا مەدالدى جەڭىپ الدى.
ونىڭ وسىناۋ جارىستاعى ءساتتى جەڭىسى ريو-دە-جانەيرو وليمپياداسىنا جولداما الۋىنا مۇمكىندىك بەردى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
ولگا رىپاكوۆا ءوزىنىڭ سپورتتىق جولىندا ءۇشىنشى رەت الەمدىك دوداعا قاتىساتىن بولادى. بۇعان دەيىن سپورتشى 2008-جىلى بەيجىڭ وليمپيداسىنا قاتىسسا، 2012-جىلى لوندون وليمپياداسىندا التىن مەدالدى يەلەنىپ، وليمپيادا چەمپيونى اتاندى.
«حالىقارالىق جارىستاردا بيىكتەن كورىنىپ جۇرگەن تالانتتى سپورتشى قازاقستاننىڭ جانە ەلىمىزدىڭ قارۋلى كۇشتەرىنىڭ اتىن شىعارۋدا. ونىڭ جەڭىستەرى اسكەري قىزمەتشىلەر مەن جاستاردىڭ سپورتپەن اينالىسۋعا دەگەن قىزىعۋشىلىعىن تۋدىرىپ، ىنتالاندىرادى»، - دەپ اتاپ وتىلگەن حابارلامادا.
