قازاقستان مەن ليتۆا ۇكىمەتتەرى ءبىرقاتار قۇجاتتارعا قول قويدى
اتاپ ايتقاندا، ك. ءماسىموۆ پەن ا. بۋتكيەۆيچيۋس ەكى ەلدىڭ ۇكىمەتتەرى اراسىندا قۇپيا اقپاراتتى ءوزارا قورعاۋ تۋرالى كەلىسىمگە قول قويىلدى.
سونىمەن قاتار ق ر قارجى مينيسترلىگى مەن ل ر ءى ءى م جانىنداعى قارجىلىق قىلمىستاردى تەرگەۋ جونىندەگى قىزمەتتىڭ اراسىندا قىلمىستىق جولمەن الىنعان كىرىستەردى زاڭداستىرۋعا (زاڭسىز جولمەن تابىلعان اقشانىڭ ءىزىن جاسىرۋعا) جانە لاڭكەستىكتى قارجىلاندىرۋعا قارسى ارەكەتتەر سالاسىندا ءوزارا ءىس-قيمىل تۋرالى كەلىسىم بەكىتىلدى.
بۇدان بولەك، ق ر ا ش م ۆەتەرينارلىق باقىلاۋ جانە قاداعالاۋ كوميتەتى مەن ليتۆانىڭ مەملەكەتتىك ازىق-تۇلىك جانە ۆەتەريناريا قىزمەتى ىنتىماقتاستىق تۋرالى مەموراندۋمعا قول قويدى.
قازاقستاننىڭ ماڭعىستاۋ وبلىسى اقتاۋ قالاسى مەن ليتۆا رەسپۋبليكاسىنىڭ كلايپەدا قالاسى اراسىندا دوستىق پەن ىنتىماقتاستىق جونىندەگى نيەتتەستىك حاتتاماسى بەكىتىلدى.
اۆتور: رۋسلان عابباسوۆ
