دۋباي الەمدى تاڭقالدىرۋىنان تانار ەمەس - فوتو

استانا. قازاقپارات - دۋباي الەمدى تاڭقالدىرۋىنان تانار ەمەس. جۋىردا بۇل شاھاردا «ۋوتەر ديسكاس» تەڭدەسسىز سۋ استى قوناق ءۇيىنىڭ قۇرىلىسى اياقتالماق دەپ حابارلايدى حابار ارناسىنا سىلتەمە جاساعان Businessnews.kz.

سىمباتتى ساۋلەت تۋىندىسى ساقينا تارىزدەس 2 عيماراتتان تۇرادى. ولاردىڭ ءبىرى سۋدىڭ بەتىنە شىعىپ تۇرسا، ەكىنشىسى تەڭىز دەڭگەيىنەن 10 مەتر تومەندە ورنالاسادى.

دوڭگەلەك عيماراتتار ءبىر-بىرىمەن 5 مۇنارا جانە باسپالداقتار مەن جەدەل ساتىعا ارنالعان ورتالىق تىك بىلىك ارقىلى بايلانىسادى. تومەنگى بولىگىندە سۋ استىن كورۋگە لايىقتالىپ جاسالعان 21 جايلى بولمە، سۇڭگۋ ورتالىعى مەن سۋسىن ىشەتىن بولمە بار.

الايدا وسىنداي ەرەكشەلىگىنە قاراماستان، «ۋوتەر ديسكاس» الەمدەگى ەڭ العاشقى سۋاستى قوناق ءۇيى ەمەس. مالديۆ ارالى مەن فلوريدادا بىرنەشە جىلدان بەرى وسىنداي وتەلدەر جۇمىس ىستەپ تۇر. ءبىراق ولاردىڭ كولەمى دۋبايداعى قوناق ۇيدەن شاعىنداۋ.