ىلە الاتاۋىنىڭ بوكتەرىندە ارنايى ماقساتتاعى وقۋ- جاتتىعۋلار وتۋدە - فوتو
وسى ماقساتتا الماتىداعى ق ر ق م اسكەرىنىڭ ورتالىق سپورت كلۋبىنىڭ «تۇيىق سۋ» تاۋلى وقۋ-جاتتىعۋ ورتالىعىنىڭ بازاسىندا لاگەرلىك جيىن ورىستەتىلدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
«ەكى اپتا ىشىندە اسكەري قىزمەتشىلەر تاۋلى شىڭعا شىعۋدى، تاۋلى ايماقتا تەحنيكامەن ءجۇرۋ ارقىلى ىلە الاتاۋىنىڭ مۇز بەن قار باسقان كۇردەلى جەرلەرىندە ۇرىستى يگەردى»، دەلىنگەن حابارلامادا.
ارنايى ماقساتتاعى اسكەريلەرگە تاۋلى جەرلەردە دايارلىقتى جۇرگىزۋگە ق ر ق م ا و س ك اسكەرىنىڭ تاجىريبەلى سپورتشىلارىنان قۇرالعان ارنايى ماقساتتاعى كومانداسى نۇسقاۋشىلىق ەتەدى. كوماندانىڭ باستىعى اعا لەيتەنانت ماقسۇت جۇمايەۆ اتالعان جيىندار جاۋىنگەرلەردىڭ ماشىقتانعان داعدىسىن قالىپتاستىرىپ، ارنايى بولىمشەلەرمەن تاجىريبە الماسۋ ءۇشىن ماڭىزدى دەپ اتادى.
اسكەري قىزمەتشىلەر جيىننىڭ بارلىق ۋاقىتىن دالالىق جاعدايدا وتكىزەدى. وسىعان وراي تاۋلى وقۋ-جاتتىعۋ ايماعىندا شاتىرلى لاگەر قۇرىلدى.
وقۋ-جاتتىعۋدىڭ سوڭىندا ولار ەمتيحاندار مەن سىناقتار تاپسىرادى. تەكسەرۋ ناتيجەلەرى ارنايى ماقساتتاعى بولىمشەلەردىڭ تاۋلى جەرلەردە جانە كۇردەلى اۋا رايىندا جاۋىنگەرلىك ءىس-قيمىلدى جۇرگىزۋدە دايارلىق دەڭگەيىن كورسەتەدى.
