ق ر تۇڭعىش پرەزيدەنتى مۋزەيىندە س ق و تاريحىنان سىر شەرتەتىن «بىرلىكتىڭ بەسىگى» كورمەسى وتەدى
«ۇلتتىق يگىلىك» مۋزەيارالىق سەرىكتەستىك جوباسى اياسىندا ۇيىمداستىرىلعان «بىرلىكتىڭ بەسىگى» كورمەسى قازاقستان حالقى اسسامبلەياسى جىلىنا ارنالىپ وتىر. ەكسپوزيتسيا كەلۋشىلەردى ولكەنىڭ پوليەتنيكالىق قوعامىنىڭ قالىپتاسۋ تاريحىمەن تانىستىرادى، سولتۇستىك قازاقستان وبلىسىنىڭ قازاقستان حالقى كىشى اسسامبلەياسى جۇمىستارىنىڭ قول جەتكىزگەن جەتىستىكتەرى جايلى باياندايدى.
سولتۇستىك قازاقستان وبلىسىندا كىشى اسسامبلەيا 1995-جىلدىڭ 1- اقپانىندا قۇرىلىپ، ونىڭ قۇرامىنا 7 ۇلتتىق-مادەني ورتالىقتاردىڭ وكىلدەرى ەندى. بۇگىنگى كۇنى سولتۇستىك قازاقستان وبلىسىنداعى ق ح ا قۇرامىندا 23 ەتنومادەني بىرلەستىكتەرىمەن قاتار «بىرلىك» جاستار بىرلەستىگى بار.
سولتۇستىك قازاقستان وبلىسىنىڭ مۇراجايلار بىرلەستىگىنىڭ جيناعىندا قازاقستاننىڭ ءبىرتۇتاس حالقىن قۇرايتىن كوپتەگەن ەتنوستاردىڭ تاريحى مەن ءداستۇرلى مادەنيەتى تۋرالى باياندايتىن بىرەگەي ەتنوگرافيالىق ماتەريالدار ساقتالعان. سولتۇستىك قازاقستان اۋماعى ستولىپيندىك اگرارلىق رەفورمالار جۇرگىزۋ كەزىندە اسكەري كازاكتار قۇرامىنداعى ورىس، ۋكراين جانە بەلارۋس شارۋالارى ءۇشىن تۋعان ۇيىندەي بولدى. پەتروپاۆل قالاسىنىڭ سالىنۋى جانە جەرگىلىكتى ساۋدانىڭ دامۋى سولتۇستىك قازاقستانعا تاتار كوپەستەرى مەن شارۋالارىنىڭ قونىس اۋدارۋىنا ىقپال ەتتى.
«بىرلىك بەسىگى» كورمەسىندە جۇرتشىلىق نازارىنا قازاق، ورىس، كازاك، تاتار، نەمىس جانە پولياك ۇلتتارىنىڭ ءداستۇرلى مادەنيەتى مەن تۇرمىس-تىرشىلىگى تۋرالى باياندايتىن كيىز ۇيلەر، اعاش ۇيلەر مەن رەكونسترۋتسيالانعان شارۋاشىلىق اۋلالار ۇسىنىلادى. ەكسپوزيتسيانىڭ ەرەكشە بولىگى كورمەگە كەلۋشىلەردى سولتۇستىك قازاقستان وبلىسىنىڭ مۇراجايلار بىرلەستىگىنىڭ جيناقتارىندا ساقتالعان بىرەگەي ەتنوگرافيالىق ماتەريالداردىڭ نەگىزىندە قازاقستاندىق كوپ كونفەسسيالى قوعامنىڭ قالىپتاسۋ تاريحىمەن تانىستىرادى.
