شىعىس قازاقستاندىق ونەرتاپقىشتار تۇرمىسقا قاجەتتى تىڭ تەحنيكالار ويلاپ تابۋدا
جول جيەكتەرىن قاردان تازالايتىن تەحنيكا، شاعىن قالالارداعى قازاندىقتارعا ارنالعان كومىر مەن سۋ ارالاسقان وتىن ءتۇرى، دەربەس قوقىس وڭدەيتىن قوندىرعى. بۇل - شىعىس قازاقستاندىق ونەرتاپقىشتاردىڭ ويلاپ تاپقان جوبالارى. ولار تىڭ يدەيالارىن وسكەمەندە وتكەن يننوۆاتسيالىق كەڭەس نازارىنا ۇسىندى.
عالىمدار كورمەدە تەك قانا ءوز جۇمىستارى جايلى ايتىپ قانا قويماي، ونى ءىس جۇزىندە كورسەتتى. ءوز كەزەگىندە ءوڭىر باسشىسى قارجىلاندىرۋ ماسەلەسىن شەشۋگە ۋادە ەتتى. ماسەلەن تاياۋدا ايماقتا شاحتا سۋىن تازالايتىن تەحنيكا قولدانىسقا ەنگىزىلمەك.
- بۇل ماسەلە ءبىزدىڭ ءوڭىر ءۇشىن وتە ماڭىزدى. سەبەبى قالا ماڭىندا ءوندىرىس ورىندارى، مەتاللۋرگيا، ەنەرگەتيكا كوپ شوعىرلانعان. سولاردىڭ ءبىرى سۋدى پايدالانادى. سول سۋدى ءبىز قايتكەندە دە پايدالانۋدىڭ كولەمىن ازايتۋىمىز كەرەك، - دەدى ق ا ە ۋ عىلىمي زەرتتەۋ ءبولىمىنىڭ اعا عىلىمي قىزمەتكەرى: قۇرالاي ساحاريانوۆا.
