09:00, 19 - مامىر 2015 | GMT +6
رەسەي دۋماسىنىڭ دەپۋتاتى «توقال» العانداردى جازالاۋعا قارسى شىقتى
استانا. قازاقپارات - رەسەي دۋماسىنىڭ وتباسى ماسەلەسى كوميتەتىنىڭ باسشىسى ەلەنا ميزۋلينا كوپ ايەل الۋدى جازالاۋ تۋرالى باپتى ر ف قىلمىستىق كودەكسىنە قايتا ەنگىزۋ تۋرالى ۇسىنىسقا قارسى شىقتى دەپ جازادى، BBC اگەنتتىگى.
«بۇل ءۇشىن قىلمىستىق جازاعا تارتۋ دۇرىس ەمەس. ويتكەنى، ماسەلە قىلمىستىق كودەكستە باپتىڭ جوقتىعىندا ەمەس، ايەلدەر جار تاڭداپ، بالا سۇيگىسى كەلەتىن ەر ادامداردىڭ ازدىعىندا»، - دەدى ميزۋلينا.
ونىڭ ايتۋىنشا، رەسەيدە ونسىز دا ءبىر اداممەن عانا زاڭدى نەكەگە تۇرا الادى. ال ءدىني كوزقاراستارعا بايلانىستى قيىلعان نەكە زاڭدى بولىپ ەسەپتەلمەيدى.
