08:50, 19 - مامىر 2015 | GMT +5
عالىمدار بالانىڭ ويلاۋ قابىلەتىن جەتىلدىرەتىن تاعامدار ءتىزىمىن جاسادى
استانا. قازاقپارات - فرانسۋز عالىمدارىنىڭ عىلىمي تۇجىرىمىنا سۇيەنسەك، بالالىق شاعىندا ادام قانداي ازىقپەن تاماقتانسا، بولاشاقتا ونىڭ ميىندا سونشالىقتى ينتەللەكتۋالدىق دامۋ بولادى.
ويتكەنى، بالالىق شاقتا جەگەن تاعامدار ينتەللەكتۋالدىق قابىلەتتى ارتتىرۋدا ەرەكشە ماڭىزدى، دەپ جازادى Meddaily.
وسى عىلىمي ەڭبەك نەگىزىندە ماماندار ادام ميىنىڭ جەتىلۋىنە وڭ اسەر ەتەتىن ونىمدەردىڭ ءتىزىمىن جاسادى. ولاردىڭ قاتارىنا بالىق، ءسۇت ونىمدەرى، بۇرشاق تۇقىمداستار مەن تامات بار. بالىقتا ورتالىق جۇيكە جۇيەسى ءۇشىن پايدالى مايلى قىشقىلدار كوپ.
بۇرشاق تۇقىمداستار دارۋمەندەر مەن فوليەۆ قىشقىلىنا باي. تامات مي بەلسەندىلىگىن ارتتىرىپ، نەيروندار جۇمىسىنىڭ جىلدامدىعىن كۇشەيتەدى. ءسۇت ونىمدەرى ەستە ساقتاۋ قابىلەتى ءۇشىن ماڭىزدى، سونىمەن بىرگە لوگيكالىق ويلاۋ قابىلەتىن جەتىلدىرەدى.
