08:18, 19 - مامىر 2015 | GMT +5
استانالىقتار «ءتىرى» تاريحپەن تانىستى - كەسكىن
استانا. قازاقپارات - استانا قالاسىندا ق ر ۇلتتىق مۋزەيىندە «مۋزەي ءتۇنى» اكسياسى سالتاناتتى تۇردە اشىلدى. بۇل ءتۇنى ەكسپوناتتاردىڭ ءتىرىلۋىن تاماشالاۋ ءۇشىن 3 مىڭعا جۋىق ادام باردى.
ەرەكشە اكسيانىڭ اشىلۋىندا ق ر مادەنيەت ءمينيسترى ارىستانبەك مۋحامەدي ۇلى ءسوز سويلەپ، ۇيىمداستىرىلىپ وتىرعان جۇمىس ورتالىق ازياداعى اۋقىمدى شارا ەكەنىن اتاپ ءوتتى.
مۋزەيدىڭ عىلىمي حاتشىسى، تاريح عىلىمدارىنىڭ دوكتورى روزا قادىسوۆانىڭ ايتۋىنشا، مۋزەيدە جەتى نەگىزگى زال، ءتورت ۋاقىتشا كورمە قويىلىپ، 14 مىڭ ەكسپونات (مۋزەيدە بارلىعى 160 مىڭ) كورەرمەن نازارىنا ۇسىنىلدى. قوناقتارعا ءارتۇرلى تاقىرىپتاعى كورمەلەر، قويىلىمدار قويىلدى. سونىڭ ىشىندەگى ەڭ قىزىقتىسى - ۇڭگىردە ءومىر سۇرگەن العاشقى قاۋىمدىق قۇرىلىستاعى ادامدار.
