بريتانيادا الىپ تەڭىز قۇبىجىعى ۇستالدى

استانا. قازاقپارات - بريتانياداعى پليمۋت قالاسىنىڭ (ديەۆون گرافتىعى) بالىقشىلارى اتاقتى «يۋر كەزەڭىنىڭ ساياباعىن» مەكەندەۋشىلەردىڭ بىرىنە ۇقساس الىپ تەڭىز قۇبىجىعىن ۇستادى.

شىن مانىندە ونىڭ تاريحقا دەيىنگى كەزەڭدە مەكەندەگەن جانۋارلارعا ەش قاتىسى جوق. ول رەكوردتىق ءىرى تەڭىز جىلانبالىعى بولىپ شىقتى، دەپ دەپ حابارلايدى Metro.

بۇل جىلانبالىقتىڭ ۇزىندىعى 6 مەتر، ال سالماعى - 72 كەلىنى قۇرادى. بالىقشىلار 1995-جىلى سالماعى 59 كەلى بولعان جىلانبالىقتى اۋلاعان ارىپتەستەرىنىڭ رەكوردىن اسىپ ءتۇسىردى. عالامتوردا تاراتىلعان ونىڭ سۋرەتى جۇرتشىلىقتى تاڭعالدىرادى.

الىپ جىلانبالىقتى «نادەجدا» تراۋلەرىنىڭ بالىقشىلارى اۋلاعان. «ءىرى تەڭىز جىلانبالىقتارىنىڭ ادەتتە مارجان ريفتەرى مەن سۋعا باتقان كەمەلەردە جاسىرىناتىنى بەلگىلى. الايدا ولار وزدەرىنە ازىق تابۋ ءۇشىن كەيدە سۋ بەتىنە كوتەرىلەدى. كولەمدەرىنە قاراماستان، ولار وتە ەپسىز بولىپ، بالىقشىلار سالعان اۋلارعا وڭاي ءتۇسىپ جاتادى»، - دەپ باياندادى تراۋلەردىڭ كاپيتانى.