قازاقستان ريو وليمپياداسىنا ءۇشىنشى جولداما الدى

استانا. قازاقپارات - ا ق ش- تىڭ فورت بەننينگ قالاسىندا نىسانا كوزدەۋ سپورتىنان الەم كۋبوگى مارەسىنە جەتتى.

بۇل سايىستا باق سىناعان قازاقستاندىق ەليزاۆەتا كورول سەگىزىنشى ورىن الىپ، 2016-جىلعى وليمپيادا ويىندارىنىڭ جولداماسىنا يە بولدى، دەپ جازادى «الاش ايناسى» ينتەرنەت- پورتالى.

مىلتىق اتۋدان 50 مەترلىك قاشىقتىقتا باعىن سىناعان وتانداسىمىز ءۇش مۇمكىندىكتىڭ قورىتىندىسى بويىنشا 389 ۇپاي جيناپ، سەگىزىنشى ورىنعا تۇراقتادى. سونداي-اق مۇنداي كورسەتكىشپەن ەليزاۆەتا كورول 2016-جىلى برازيليانىڭ ريو-دە-جانەيرو قالاسىندا وتەتىن جازعى وليمپيادا ويىندارىنا جولداماعا يە بولدى.

الەم كۋبوگىنىڭ قورىتىندىسى:

1. دجينگ چانگ (قىتاي) - 453,8 ۇپاي

2. سنەجانا پەجيچ (حورۆاتيا) - 450,6

3. باربارا ەنگلەدەر ( ۇلىبريتانيا) - 449, 8

4. پەترا دزۋبلاسينگ (يتاليا) - 437,7

5. فانگ چەن (قىتاي) -  425,2

6. يۋ سيلينگ (قىتاي) - 413,4

7. ەمي سوۆاش (ا ق ش) - 403,3

8. ەليزاۆەتا كورول - 398,7

ايتا كەتەيىك، بۇل قازاقستان سپورتشىلارىنىڭ جازعى وليمپيادا ويىندارىنا جەڭىپ العان ءۇشىنشى جولداماسى. بۇعان دەيىن وليمپيادا ويىندارىنا قاتىسۋ قۇقىعىن بىلعارى قولعاپ شەبەرلەرىمىز - بەرىك ءابدىراحمانوۆ پەن ۆاسيلي ليەۆيت جەڭىپ العان بولاتىن.