ق ح ا: ب ق و-دا «قازاقستان - مەنىڭ وتانىم!» اتتى مادەني شارا ۇيىمداستىرىلدى
اتالمىش كەشەننىڭ قۇرىلتايشىسى، پروفەسسور، وبلىستىق ءماسليحاتتىڭ دەپۋتاتى اقسەرىك ايتىموۆتىڭ ايتۋىنشا، جاس ۇرپاقتى وتانشىلدىق رۋحتا تاربيەلەۋدە مۇنداي شارالاردىڭ ماڭىزى زور. ەلباسى تاپسىرماسىنا سايكەس اسسامبلەيا مەن اتا زاڭنىڭ 20 جىلدىعى، ۇلى جەڭىستىڭ 70 جىلدىعى جانە قازاق حاندىعىنىڭ 550 جىلدىعى سىندى مەرەيلى مەرەكەلەردى كەڭىنەن اتاپ وتۋگە باسا ءمان بەرىلۋدە. وسى كەشەندە 14 مىڭعا جۋىق ستۋدەنت ءبىلىم السا، ولاردىڭ ىشىندە 14 ۇلت وكىلدەرى بار.
سوندىقتان ولار تاتۋلىقتى تۋ ەتىپ، الداعى ۋاقىتتا وتانىمىزعا قىزمەت ەتسە، باستى ماقساتتىڭ ورىندالعانى. وسى ورايدا بۇدان ەكى جىل بۇرىن «دوستىق» كلۋبى قۇرىلىپ، سول ارقىلى ەلىمىزدىڭ بەرەكە-بىرلىگى، قازاق حالقىنىڭ بارشا جۇرتتى ۇيىستىرىپ وتىرعان التىن دىڭگەك ەكەندىگى، ءار ۇلتتىڭ سالت-ءداستۇرى، مادەنيەتى ۇزبەي ناسيحاتتالۋدا. بۇل وقۋ ورنى ستۋدەنتتەرى دايىنداعان كونتسەرتتە دە كورىنىس تاپتى.
قازاقستان حالقى ب ق و اسسامبلەياسى ءتوراعاسىنىڭ ورىنباسارى، حاتشىلىق مەڭگەرۋشىسى عايسا قاپاقوۆ، اسسامبلەيا مۇشەلەرى، ەتنومادەني بىرلەستىكتەر جەتەكشىلەرى ۆەرا شوحينا، دانيلبەك ساراتوۆ ەلباسى باستاماسىمەن قۇرىلعان قازاقستان حالقى اسسامبلەياسىنىڭ وسىنداي وقۋ ورىندارىمەن بايلانىستى ودان ءارى ورىستەتىپ، الداعى ۋاقىتتا دا ءماندى شارالاردى بىرلەسىپ ۇيىمداستىراتىنىن اتاپ ءوتتى.
بۇل رەتتە وبلىستىق اسسامبلەيا مۇشەلەرىنىڭ ستۋدەنت جاستارمەن ءجيى كەزدەسىپ، اقىل-كەڭەستەرىن ايتىپ، ۇلگى-ونەگە كورسەتۋىنىڭ ءمانى ەرەكشە. وسىنداي جۇزدەسۋلەردە ستۋدەنتتەر مەن ماگيسترانتتار دا ءوز ۇسىنىس-پىكىرلەرىن ءبىلدىرىپ، تىڭ جوبالارىن ۇسىنۋدا.
شارا بارىسىندا «دوستىق» ستۋدەنتتەر كلۋبى ازەربايجان جانە نەمىس ەتنومادەني ورتالىقتارىنىڭ باسشىلارى رايسا شاحگۋلاري مەن الەكسەي شاگيەۆ، «كوركەم» ءبي ءانسامبلى جانە «ارۋ انالار» ءانسامبلى ونەر كورسەتىپ، دوستىق پەن بىرلىكتى تۋ ەتتى.
اۆتور: ەلجان ەرالى
