پاۆلوداردا «قۇلاگەر» اتتى جاڭا يپپودروم اشىلدى
قالانىڭ سىرتىنداعى دالادا بايگە شەڭبەرى مەن 2,4 مىڭ ورىندىق جابىق كورەرمەن تريبۋنالارى سالىندى. بۇل جەردە سونداي-اق VIP- لوجا مەن تورەشىلىك رۋبكاسى ورنالاسقان. بولاشاقتا يپپودرومدا اتقورالار مەن جابىق مانەجدەردى سالۋ جوسپارلانىپ وتىر.
«يپپودرومدى اباتتاندىرۋ جانە كوگالداندىرۋ بويىنشا جۇمىستار جالعاستىرىلادى. يپپودروم اتقا ءمىنۋدى ۇناتاتىنداردىڭ اراسىندا ايگىلى بولاتىنىنا سەنىمدىمىن»، - دەدى پاۆلودار قالاسىنىڭ اكىمى بولات باقاۋوۆ جاڭا سپورتتىق نىساننىڭ اشىلۋىندا.
يپپودروم اشىلعان كۇنى مۇندا بايگە جارىسى بولىپ ءوتتى. وعان قازاقستان ايماقتارى جانە رەسەي فەدەراتسياسىنان كەلگەن 60 شاباندوز قاتىستى. جۇلدە قورى ءتورت كولىكتەن تۇردى.
«پاۆلوداردا كەلەسى ات جارىسى 30- مامىر كۇنى بولىپ وتەدى. جاز ماۋسىمىنىڭ ىشىندە سپورتتىق بايگە تۇرلەرى بويىنشا جارىستار ايىنا ءبىر رەت وتكىزىلىپ تۇرادى»، - دەپ حابارلادى پاۆلودار قالالىق دەنە شىنىقتىرۋ جانە سپورت ءبولىمىنىڭ باسشىسى ارداق تۇرسىقپايەۆ.
