20:22, 18 - مامىر 2015 | GMT +5
قازاقستان-رەسەي شەكاراسىنان پويىزداردى وتكىزۋ ۋاقىتى قىسقارادى
استانا. قازاقپارات - ماسكەۋدە «ق ت ج» ۇ ك» ا ق ۆيتسە-پرەزيدەنتى بەرىك كاماليەۆ «ر ج د» ا ا ق جولاۋشىلار تاسىمالى جونىندەگى ۆيتسە-پرەزيدەنتى ميحايل اكۋلوۆپەن كەزدەستى. كەزدەسۋ بارىسىندا جولاۋشىلار پويىزدارىن قازاقستان- رەسەي شەكاراسىن وتكىزۋ رەسىمدەرىن جەڭىلدەتۋگە، تەكسەرۋ ۋاقىتىن قىسقارتۋعا قاتىستى ماسەلەلەردى تالقىلادى.
بۇل تۋرالى «جولاۋشىلار تاسىمالى» ا ق باسپا ءسوز قىزمەتىنەن حابارلادى.
قازىرگى ۋاقىتتا ەكى مەملەكەتتىڭ وكىلەتتى ورگاندارى شەكاراداعى تەكسەرۋ ۋاقىتىن 3,6 ەسەگە قىسقارتۋعا مۇمكىندىك بەرەتىن ءبىرقاتار شارالاردى قاراستىرىپ جاتىر. بۇل شارالار كەيىن قازاقستان-رەسەي شەكاراسىنداعى بارلىق تەكسەرۋ-باقىلاۋ نۇكتەلەرىندە ەنگىزىلەتىن بولادى.
بۇدان بولەك، ەكى ەلگە قاتىنايتىن مەملەكەتارالىق جولاۋشىلار پويىزدارىنىڭ قوزعالىسىن ۇيىمداستىرۋعا قاتىستى ءبىرقاتار ماسەلەلەر دە ءسوز بولدى.
