ەلوردادا «استانا قىرانى» تۋرنيرىنىڭ جەڭىمپازدارى انىقتالدى
ىرىكتەۋ كەزەڭىندە ەڭ مىقتى پالۋان اتاعى ءۇشىن 20 دان استام سپورتشى كۇش سىناستى. بۇگىنگى تاڭدا اتالعان ۇلتتىق سپورت ءتۇرى جاستار اراسىندا ۇلكەن قىزىعۋشىلىق تۋعىزۋدا.
«قازاق كۇرەسى باعزى زاماننان ۇلتتىق سپورتىمىز بولىپ تابىلادى. سوڭعى جىلدارى مەملەكەت باسشىسىنىڭ سىيلىعى تاعايىندالعان «قازاقستان بارىسى» تۋرنيرى قازاق كۇرەسىنىڭ دامۋىنا ۇلكەن سەپتىگىن تيگىزدى. قازاق حاندىعىنىڭ 550 جىلدىعى قارساڭىندا ۇلتتىق سپورت تۇرلەرىن جاڭعىرتۋ اۋاداي قاجەت»، - دەدى ق ر سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ.
جارىس قورىتىندىسى بويىنشا، 1- ورىن - سەيداليەۆ عانيگە، 2- ورىن - ايبات سەيتەنگە، ال جۇلدەلى 3- ورىن - ايتۋار ابدۋلوۆقا بۇيىردى.
ەسكە سالا كەتەيىك، «قازاقستان بارىسى» V رەسپۋبليكالىق تۋرنيرى استانا كۇنى قارساڭىندا، مامىردىڭ 5- كۇنى «سارىارقا» ۆەلوترەگىندە وتەدى.
بۇل تۋرالى استانا اكىمدىگىنىڭ رەسمي سايتى مالىمدەدى.
