اقىن ولجاس سۇلەيمەنوۆتىڭ دوستارى مەن ارىپتەستەرى وعان تۋعان كۇنىنە وراي سيرەك كەزدەسەتىن قۇندى كىتاپ سىيلادى
«ءبىز ولجاس ومار ۇلىمەن ستۋدەنتتىك كەزەڭنەن باستاپ دوسپىز. مەن ونىمەن وتكەن عاسىردىڭ 70- جىلدارى بالتىق جاعالاۋىندا تانىسقان ەدىم. ءبىز تەك دوس قانا ەمەسپىز ءارى بىرگە جۇمىس ىستەيمىز. ءار جىلى ولجاستىڭ تۋعان كۇنى قازاقستانعا كەلۋى - ءبىز ءۇشىن داستۇرگە اينالدى»، - دەدى رەسەيلىك جازۋشى ۆەرا افاناسيەۆا.
ونىڭ ايتۋىنشا، بۇگىن ءبىر توپ رەسەيلىك اقىن-جازۋشىلار ولجاس سۇلەيمەنوۆتىڭ تۋعان كۇنىنە وراي وعان «22 دانىشپان» دەپ اتالاتىن كىتاپ الىپ كەلىپتى. كىتاپ نيۋ-يورك قالاسىندا باسىلىپ شىققان. ونىڭ اۆتورلارى - الەمنىڭ تۇكپىر-تۇكپىرىندە ءومىر سۇرەتىن 22 اتاقتى تۇلعا. سولاردىڭ ءبىرى - ولجاس سۇلەيمەنوۆ.
«بۇل - باعا جەتپەيتىن قۇندى كىتاپ. وندا جەر بەتىندە بەيبىتشىلىكتى قالاي ساقتاۋ كەرەكتىگى، سوعىستى بولدىرماۋ جولدارى جان-جاقتى جازىلعان. ولجاس ءارى اقىن ءارى فيلوسوف ءارى داناگوي رەتىندە ادامزاتتىڭ بۇدان ءارى قاراي قالاي ءومىر ءسۇرۋى كەرەكتىگى جايىندا 18 بەتكە ءوز ويلارىن جازدى»، - دەدى ۆ. افاناسيەۆا.
اۆتور: جاپپاربەرگەن ايبوتا
