توعىزقۇمالاقتان ەل چەمپيوناتىندا قىزىلوردالىقتار توپ جاردى

قىزىلوردا. قازاقپارات - ۇستىمىزدەگى جىلدىڭ 11-17- مامىر ارالىعىندا قوستاناي وبلىسىندا ايەلدەر اراسىندا توعىزقۇمالاقتان وتكەن قازاقستان رەسپۋبليكاسىنىڭ چەمپيوناتىندا قىزىلوردا وبلىسىنىڭ قۇراما كومانداسى 30,5 ۇپاي جيناپ، كوش باستادى.

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

ەكىنشى ورىندى 28,5 ۇپايمەن اقتوبە وبلىسى يەلەنسە، 28 ۇپايمەن قوستاناي وبلىسىنىڭ كومانداسى ءۇشىنشى ورىندى ەنشىلەدى. ەل چەمپيوناتى توعىزقۇمالاقتىڭ كلاسسيكالىق تۇرىنەن ءوتتى. توعىزقۇمالاقتان وبلىستىڭ اعا جاتتىقتىرۋشىسى حاكىمجان ەلەۋسىنوۆ جەتەكشىلىك ەتكەن جەرلەستەرىمىز وبلىس ءۇمىتىن اقتاپ، جەڭىسپەن ورالدى.

ناتيجەسىندە ءۇمىت ساقتاشوۆا (ارال اۋدانى)، اقەركە كەنجەبەكوۆا (سىرداريا اۋدانى)، ۇلدانا ماحامبەتامين (قازالى اۋدانى)، قىزجىبەك ءابىلدا (جالاعاش اۋدانى) جانە نۇرسۇلۋ ماحانوۆا (سىرداريا اۋدانى) كوماندانىڭ ءبىرىنشى ورىن الۋىنا ءوز ۇلەستەرىن قوستى.

ايتا كەتەيىك، چەمپيونات قورىتىندىسىندا وبلىس قۇراما كومانداسىندا شەبەرلىك بايقاسقان ءتورت سپورتشىمىز (ۇمىتتەن باسقاسى) ق ر سپورت شەبەرى نورماتيۆىن ورىندادى. ال ءۇمىت اقپان ايىندا الماتى قالاسىندا وتكەن قازاقستان كۋبوگىندا جەڭىمپاز اتانىپ، سپورت شەبەرى نورماتيۆىن ورىنداعان بولاتىن.

ەندى سپورتشىلارىمىز ماۋسىم ايىندا جامبىل وبلىسىندا ەرەسەكتەر اراسىندا بولاتىن (بليتس، راپيد) ق ر چەمپيوناتىنا دايىندالادى.

اۆتور: ەلۋباي اۋەزوۆ