مەكتەپ وقۋلىقتارىن شىعاراتىن بىلىكتى ماماندار تاپشى

 استانا. قازاقپارات - قازاقستاندا مەكتەپ وقۋلىقتارىن شىعارۋمەن اينالىساتىن بىلىكتى ماماندار تاپشىلىعى بايقالادى. بۇگىن ماجىلىستە «وقۋلىقتاردىڭ ساپاسى جانە جالپى ورتا، تەحنيكالىق جانە كاسىپتىك ءبىلىم بەرۋ ۇيىمدارىن وقۋلىقتارمەن قامتاماسىز ەتۋ» اتتى تاقىرىپتاعى ۇكىمەت ساعاتىندا ءبىلىم جانە عىلىم ءمينيسترى اسلان ءسارىنجىپوۆ وسىلاي مالىمدەدى.

ءمينيستردىڭ سوزىنە قاراعاندا، قازىرگى تاڭدا وقۋلىق ساپاسىنا بىردەن ءبىر اسەر ەتەتىن فاكتور ساراپشىلار مەن وقۋلىق دايىنداۋشىلاردىڭ بىلىكتىلىگى بولىپ تابىلادى.

 «وسىعان وراي، وقۋلىق اۆتورلارى مەن ساراپشىلاردىڭ ساپالىلىق قۇرامىنا جۇرگىزىلگەن تالداۋلار ەلىمىزدە ءتيىستى بىلىكتىلىگى مەن تاجىريبەسى بار مامانداردىڭ تاپشىلىعىن كورسەتىپ وتىر. سونىمەن قاتار وقۋلىق جازاتىن اۆتورلىق كورپۋستىڭ «قارتايۋى» دا بايقالۋدا»، - دەدى اسلان ءسارىنجىپوۆ.

ءمينيستردىڭ سوزىنە قاراعاندا، وسىنداي ولقىلىقتىڭ سالدارىنان وقۋلىق جازاتىن اۆتورلار قۇرامى كەيدە وسى سالادا جۇمىس ىستەمەگەن، وقۋلىق ماتەريالدارىن شىعارۋمەن اينالىسپاعان مامانداردان قۇرالاتىن جاعدايلار دا كەزدەسىپ جاتادى. سوندىقتان دا ۆەدومستۆو باسشىلىعى شەتەلدىك مامانداردى تارتا وتىرىپ، وقۋلىق دايىندايتىن مامانداردىڭ بىلىكتىلىگىن ارتتىرۋ جۇمىستارىن قولعا العان.

اۆتور: قانات مامەتقازى ۇلى