11:12, 18 - مامىر 2015 | GMT +6
ارالاس جەكپە- جەكتەن الەم چەمپيوناتى استانادا وتەدى
استانا. قازاقپارات - 2017 - جىلى ارالاس جەكپە- جەكتەن الەم چەمپيوناتى استانادا وتەدى.
بۇل تۋرالى بۇگىن ق ر پرەزيدەنتى جانىنداعى و ك ق- دە وتكەن بريفينگتە ارالاس جەكپە- جەك فەدەراتسياسىنىڭ قۇرمەتتى پرەزيدەنتى ەرلان قارين ءمالىم ەتتى.
ە. قاريننىڭ اتاپ وتۋىنشە، وتكەن جىلى ەلىمىزدە ارالاس جەكپە- جەكتەن ازيا چەمپيوناتى ءوتىپ، سول كەزدە 2017 - جىلى الەم چەمپيوناتىن استانادا وتكىزۋ جونىندە يدەيا ۇسىنىلعان.
«وسى ۋاقىتتىڭ ىشىندە ءتيىستى كەلىسسوزدەر جۇرگىزىلىپ، ناتيجەسىندە بۇگىندە ءبىز 2017 - جىلى ەكسپو وتەتىن كەزدە ارالاس جەكپە- جەك بويىنشا الەم چەمپيوناتىن قازاقستان استاناسىندا وتكىزۋ كەلىسىمىنە قول جەتكىزدىك. بۇل ءبىزدىڭ ارالاس جەكپە- جەك ونەرى ءۇشىن، قازاقستاندىق سپورت ءۇشىن ۇلكەن وقيعا دەپ ەسەپتەيمىز. بايراقتى باسەكە ارالاس جەكپە- جەك ونەرىنىڭ قازاقستاندا كەڭىنەن دامۋىنا زور سەپتىگىن تيگىزەتىن بولادى»، - ول.
اۆتور: مارلان جيەمباي 
