بەلگىلى امەريكاندىق بوكسشى دارنەلل بۋن گەنناديي گولوۆكيندى جەكپە- جەككە شاقىردى
ءوز كەزەگىندە گولوۆكيننىڭ كەشەگى قارسىلاسى كىشى ۋيللي مونرونى جەڭگەن 35 جاستاعى امەريكاندىق قازاقستاندىق نوكاۋتەرمەن كۇش سىناسىپ كورۋگە اڭسارى اۋعانىن جاسىرمادى، دەپ حابارلادى Sports.kz.
«گەنناديي گولوۆكينمەن ايقاسقا شىققىم كەلەدى. سكەپتيكتەردىڭ كوپشىلىگى ءبىر نارسەنى تۇسىنە بەرمەيدى - مەن اسا مىقتى وگايو شتاتىنداعى يانگستاۋن جەرىنەنمىن. ءبىز ولىسپەي بەرىسپەيمىز. ءوز جولىمدا ورتاشا سالماقتاعى كەز كەلگەن چەمپيوندى سۇلاتا الاتىنىما سەنىمدىمىن. گولوۆكين وسىنى بىلە ءجۇرسىن»، - دەپ ءمالىم ەتتى دارنەلل بۋن.
امەريكاندىق بوكسشى قازىر ورتاشا اۋىر سالماق دارەجەسىندە (79,4 كەلىگە دەيىن) ، سوڭعى جارتى جىلدا ۋاقىتىنان بۇرىن ەكى رەت جەڭىسكە قول جەتكىزدى. جەلتوقساندا كولۋمبيالىق ديونيسيو ميراندانى نوكاۋتقا جىبەرسە، 2015 - جىلعى ساۋىردە جەڭىسكە ۇمىتكەر رەتىندە رينگكە شىققان ءوز وتانداسى فيلليپ دجەكسون بەنسوندى توقتاتتى. گولوۆكينمەن ايقاسقا شىعۋ ءۇشىن دارنەلل بۋن مانسابىنىڭ كوپ بولگىن وتكىزگەن ورتاشا سالماققا قايتا تۇسۋگە ءازىر ەكەندىگىن جەتكىزدى.
