دۋباي سوتى ايەل ساقشىمەن دۇرىس تۇسىنىسە الماعانى ءۇشىن ايىپتالعان قازاقستاندىققا قاتىستى ۇكىم شىعاردى
الايدا وتانداسىمىز ءتارتىپ ساقشىسىن وزىنە قاراتۋ ءۇشىن دۇرىس ءتاسىل قولدانباي، ونى ەكى رەت يىعىنان تارتقان. بۇل ۋاقىتتا باسقا ازاماتپەن اڭگىمەلەسىپ تۇرعان ايەل پوليسەي بۇرىلىپ قاراپ، وعان داۋىس كوتەرە باستايدى.
- ول مەنەن Dubai Mall قاي باعىتتا ەكەنىن سۇرادى، مەن وعان جولدى كورسەتتىم، ول مەن تۇسىنبەيتىن تىلدە جاۋاپ بەردى، - دەگەن ايعاق بەردى جابىرلەنۋشى.
ايەل پوليسەي ونى وزىمەن بىرگە ۋچاسكەگە اپارماق بولعان. ول بولسا باس تارتقان. ايەلگە كومەككە كەلگەن تاعى ەكى پوليسەي تۋريستى ۋچاسكەگە الىپ جۇرمەك بولعاندا، ول قارسىلىق كورسەتكەن.
مەتروداعى بەينەباقىلاۋ كامەراسى ونىڭ ايەل پوليسەيدىڭ يىعىنا قولىن تيگىزگەن تۇسىن ءتۇسىرىپ العان. دۋباي سوتى وسى ۆيدەونى ونىڭ قىلمىسقا كىنالى ەكەندىگىنە دالەل رەتىندە پايدالانعان. قازاقستاندىق ازاماتقا قاتىستى ۇكىم شىقتى. دۋباي سوت بيلىگىنىڭ باسپا ءسوز قىزمەتى حابارلاعانداي، ق ر ازاماتى ەكى مىڭ ديرحام (550 ا ق ش دوللارى) كولەمىندە ايىپپۇل تولەپ، ءۇش اي قاماقتا بولادى. سودان كەيىن اراب ەلىنەن سىرتقا شىعارىلادى.
قىلمىستىق ءىس باستالعاننان باستاپ دۋبايداعى جانە ب ا ءا سولتۇستىك امىرلىكتەرىندەگى ق ر باس كونسۋلدىعى تەرگەۋ مەن سوت تالقىلاۋى بارىسىن باقىلادى. ولاردىڭ تاراپىنان كەلەڭسىز جاعدايعا تاپ بولعان وتانداسىمىزعا قولدان كەلگەنشە ماتەريالدىق- تۇرمىستىق كومەك كورسەتىلدى.
