باراك وبامانىڭ ايەلىمەن العاشقى كەزدەسۋى تۋرالى فيلم تۇسىرىلمەك

استانا. قازاقپارات - ا ق ش پرەزيدەنتى باراك وباما مەن ونىڭ ايەلى ميشەل تۋرالى رومانتيكالىق فيلم تۇسىرىلمەك، دەپ حابارلايدى kinostan.kz.

 «ساۋتسايد سەنىمەن بىرگە» («Southside with You») دەپ اتالاتىن كارتينانىڭ وقيعاسى 1989 - جىلى چيكاگودا ءوربيدى. ول كەزدە باراك وباما ەكىنشى جوعارعى ءبىلىمىن الىپ، Sidley Austin فيرماسىندا جۇمىس ىستەپ جۇرگەن. ال ميشەل روبينسون اتالعان ۋاقىت ارالىعىندا بولاشاق پرەزيدەنتتىڭ باسشىسى بولعان.

سيۋجەتتە ەكى عاشىقتىڭ العاشقى كەزدەسۋى باياندالادى.

«ساۋتسايد سەنىمەن بىرگە» تۋىندىسى ريچارد تەننىڭ العاشقى رەجيسسەرلىك جۇمىسى بولماق. فيلمدە باستى رولدەردى بۇعان دەيىن اسا تانىلا قويماعان پاركەر سويەرس پەن تيكا سامپتەر سومدايدى.

ءتۇسىرىلىم بيىلعى جىلعى تامىز ايىندا باستالادى، ال فيلمنىڭ پرەمەراسى قاشان بولاتىنى ازىرگە ناقتىلانبادى.