وڭتۇستىك كورەيالىق ءۇش ازامات سولتۇستىك كورەيامەن ىنتىماقتاستىعى ءۇشىن قاماۋعا الىندى
دەپ حابارلايدى «يونحاپ» اگەنتتىگىنەن.
سەۋل پروكۋراتۋراسىنىڭ مالىمەتتەرىنشە، بەنگ ەسىمدى 69 جاستاعى ەر ادام مەن ونىڭ ەكى سىبايلاسى سوناۋ 1996 - جىلى قىتايدا جۇرگەن ك ح د ر ارنايى قىزمەتكەرلەرىمەن كەزدەسىپ، ولارمەن ەسىرتكى بيزنەسىن بىرلەسىپ جۇرگىزۋ تۋرالى كەلىسكەن. بەنگ جانە ونىڭ سىبايلاستارى جابدىقتار مەن شيكىزاتتى جەتكىزۋدى، ال سولتۇستىكتەگىلەر مەتامفەتامين وندىرەتىن ورىن دايىنداۋعا ۋادە ەتكەن.
2000 - جىلى بەنگ پەن ونىڭ سىبايلاستارى سولتۇستىك كورەيالىقتاردان 35 كەلى مەتامفەتامين الدى.
پروكۋراتۋرادان حابارلانعانداي، تەرگەۋ توبى قاماۋعا الىنعانداردىڭ قانداي ىسپەن اينالىسىپ جۇرگەندەرىن بۇرىننان بىلگەن، ءبىراق ولاردىڭ قىلمىسىن سولتۇستىك كورەيالىق ارنايى قىزمەتكەرلەردىڭ ءبىرىنىڭ وڭتۇستىك كورەياعا قاشۋىنان كەيىن عانا دالەلدەۋ مۇمكىن بولدى.
وسىلايشا، پروكۋراتۋرانىڭ نۇسقاسى بويىنشا، بەنگتىڭ سىبايلاسى - 63 جاستاعى كيم سولتۇستىك كورەيالىق اگەنتتەرمەن ىنتىماقتاسىپ، ك ح د ر- نان قاشقان جوعارى وكىلەتتى حۆان چجان ەپقا شابۋىل ۇيىمداستىرماق بولدى، الايدا 2010 - جىلى حۆان جۇرەك تالماسىنان كوز جۇمعان.
