09:39, 18 - مامىر 2015 | GMT +5
عالىمدار: ءجۇز جىلدان كەيىن پەتەربور سۋ استىنا كەتۋى مۇمكىن
استانا. قازاقپارات - سەيسميكالىق بەلسەندىلىك جەر استىنداعى وراسان مول سۋدى سىرتقا شىعارىپ، دۇنيەجۇزىلىك مۇحيت دەڭگەيىن كوتەرۋى ىقتيمال. بۇل جاعالاۋعا ورنالاسقان قالالار مەن ەلدى مەكەندەردى، ولاردىڭ ىشىندە الدىمەن رەسەيدىڭ پەتەربور قالاسىن سۋ باسۋ قاۋپى كۇشتىرەك.
بۇل تۋرالى دۇنيەجۇزىلىك جابايى تابيعات قورى (WWF) عالىمدارىنىڭ رەسمي بايانداماسىندا ايتىلعان.
عالىمداردىڭ سوزىنە قاراعاندا، سولتۇستىك استانانىڭ سۋعا باتۋى مۇمكىن جاعداي. ول تەك ۋاقىتتىڭ ەنشىسىندە. ساراپشىلار بۇل ۇدەرىس شامامەن ءجۇز جىلعا تاياۋ مەرزىمگە سوزىلاتىندىعىن ايتادى. ونىڭ ۇستىنە رەسەيدە عالامدىق جىلىمىق ۇدەرىسى وزگە بارلىق ەلدەرگە قاراعاندا ەداۋىر جوعارى. بۇل جاعدايدى ودان ءارى قيىنداتا تۇسپەك. سونداي- اق ءجۇز جىلدان كەيىن يامال جارتى ارالى مەن لەنينگراد وبلىسى دا سۋ باسقان ايماقتا قالماق.
دۇنيەجۇزىلىك ۇيىمنىڭ پىكىرلەرىمەن رەسەي مەتەرەولوگتارى كەلىسپەي وتىر. ولاردىڭ ەسەپتەۋىنشە، سۋ دەڭگەيىنىڭ كوتەرىلۋى بۇگىنگى كەزەڭدەگىدەي جالعاسقان جاعدايدا ءالى 500 جىلعا دەيىن قاۋىپ تۋا قويمايدى.
