09:17, 18 - مامىر 2015 | GMT +5
قالماقتار شاي كۇنىن مەرەكەلەيدى
استانا. قازاقپارات - مامىردىڭ ءۇشىنشى سەنبىسىندە قالماق ەلىنىڭ تۇرعىندارى حالمگ سياياگين نيار - شاي كۇنىن مەرەكەلەيدى. جىل سايىن اتاپ وتىلەتىن بۇل مەرەكە 2011 - جىلدان بەرى ۇلتتىق مادەنيەتتى ساقتاپ، جانداندىرۋ ماقساتىندا اتاپ وتىلەدى.
قالماق شايى - ءبىرىنشى بەرىلەتىن اسقا ۇقسايتىن ەرەكشە سۋسىن. ونى دۇرىس دەمدەپ، ۇسىنۋ - ۇلكەن ونەر، - دەپ حابارلايدى روس بالت.
قالماقتار جاقسى دەمدەلگەن شايعا اياماي تۇز سالىپ، وعان ءسۇت جانە سارى مايدا ۇنتاقتالعان جۇپار جاڭعاقتى قوسادى، سودان كەيىن وسىنىڭ بارلىعىن جاقسىلاپ ارالاستىرادى. ارالاستىرۋ كەزىندە قيمىلدى كۇن كوزىنىڭ باعدارىمەن، سول جاقتان وڭ جاققا قاراي جاساۋ كەرەك.
قالماقتاردىڭ ءداستۇرلى شاي ءراسىمىنىڭ دە وزىندىك ەرەجەلەرى بار. مىسالى، قوناقتاردى كۇتكەن كەزدە شايدى ولاردىڭ كوز الدىندا دەمدەيدى، ويتكەنى شاقىرىلعان قوناقتارعا بۇرىن دەمدەلگەن شاي ۇسىنۋ قۇرمەتسىزدىك بەلگىسى دەپ ەسەپتەلەدى.
